Read PEYMANA NÛ 2017 (ÎNCÎL) Efesiyan 4 Bible Online

Efesiyan 4 - PEYMANA NÛ 2017 (ÎNCÎL) bible

Efesiyan 4

¹Niha bo vê sedemê ez, yê di Xudan de girtiye, ji we bona li gor banga ku we girtiye bijîn rica dikim;

²bi hemû dilnizmî û xûnermiyê ve, bi tehemûl, di hezkirinê de ji hev û din re bisebir bin;

³xîret bikin ku hûn yekîtiya Ruh bi rêya dilxweşiyê ve biparêzin.

⁴Mîna ku hûn bi hêviyek ji bang kirina we ve hatine bang kirin, beden yek û Ruh yek;

⁵Xudan yek, bawerî yek, vaftîz yek,

⁶Bav û Xwedayê li ser hemûyan û yê bi her tiştî û yê di we hemûyan de ye, yek e.

⁷Lê belê xêr, ji me her yekî re, bi pîvana Mesîh ve hat bexşandin.

⁸Bona vêya dibêje: Derket bilindahiyan û bindestan li pey xwe birin û xelatan da mirovan[1].

⁹Niha ev gotina derket, ger ne gotina ew pêşiyê daket jêran, rûyê erdê nîn be, dê çi be?

¹⁰Yê ku daketiye jêr û bona her tiştî dagire[1], ji hemû ezmanan ve gellekî derketiye bilindahiyê eynî kes e.

¹¹Wî bi xwe hinekan mîna şandî, hinekan peyxamber, hinekan mizgînkar, hinekan serek û mamoste bin, tayîn kirin;

¹²da ku, bila pîrozan bona wezîfeya xizmetê bikin û bona geş kirina[1]bedena Mesîh bên xemilandin;

¹³heta ku em hemû di baweriyê de û di naskirina Lawê Xwedê de bigihêjin yekîtiyê, rayedariyê û em ê di tijîbûna Mesîh de bigihêjin mirovê[1]kamiliyê;

¹⁴da ku, êdî bi xapînokbûna mirovan, bi hunera wanî ava kirina dafikên xapandinê ve, em nebin zarokên bi bayê her hînkirê ve li vira û li wira diherikin;

¹⁵lê belê em di hezkirinê de bi rasteqînî bikin û di hemû tiştan de berbi wî ve mezin bibin, ku, serî ew e, Mesîh e.

¹⁶Di serokantiya wî de hemû beden, bi alîkariya her movikê ve bi kelandin û bi zexmbûnê ve bi şuxula birêza her endamê xwe ve mezin dibe û di hezkirinê de pêş ve diçe.

¹⁷Niha, ez vêya dibêjim û di Xudan de şahdeyiyê dikim; êdî mîna jiyana neteweyên din, li gor ramanên vala ve nejîn;

¹⁸hişê wan kor bûye; ji berya nezaniya hundirê wan û bêhêsbûna dilê wan ve ji jiyana Xwedê re biyan mane.

¹⁹Wan bi winda kirina hemû hêsên xwe, bona bi çavbirçîtî ve hemû pîsitiyan bikin xwe dane kêfdariyê.

²⁰Lê belê hûn bi vî awayî hînî Mesîh nebûn.

²¹Ger, mîna ku rastî di Îsa de ye we wê bihîstibin û di wî de hûn hatibin fêr kirin;

²²li gor vêya afirandina kevnare ya bi azweriyên xapînokî aidê jiyana we yî berê ve xera bûye ji ser xwe bavêjin

²³û bi ruhê fikirandina xwe ve nû bibin

²⁴û di duristiya rastî û pîroziyê de mirovê nû yê li gor Xwedê hatiye afirandin li xwe bikin.

²⁵Bona vêya derewê berdin; bila her yekî we bi cîranê xwe ve rastiyê biaxife; ji ber ku em endamê hev û din in.

²⁶Hêrs bibin û gunehan mekin; bila roj ji ser hêrsa we ve neçe ava!

²⁷Fersendê nedin Îblîs jî!

²⁸Yê diziyê kiriye, bila êdî diziyê meke; lê belê hîn zêde bila bi destê xwe yê qenc bike û bixebite; bi vî awayî bila tiştekî wî hebe ku bi yê motaj re par bike.

²⁹Bila qet gotina xerab ji devê we dernekeve; lê belê bona kesê ku bibîhzin jê qencîtiyê bigirin, li gor hewcê tiştên ku yên kesên din pêş ve bibe bibêjin.

³⁰Rûhê Pîroz yê Xwedê bi keserê ve mexin! Bona roja xelasiyê, hûn bi wî ve hatin mor kirin!

³¹Bila bi her nêta xerab re, hêrsa bi her avayî, gir û xeyidandin, qêrîn, xeberdan û îftira dûrî we bibe!

³²Ji hev û din re[1]dilxweş û bişewqat bibin û mîna ku Xwedê we di Mesîh de bexşandiye, hûn jî hev û din bibexşînin.