Read PEYMANA NÛ 2017 (ÎNCÎL) Efesiyan 5 Bible Online

Efesiyan 5 - PEYMANA NÛ 2017 (ÎNCÎL) bible

Efesiyan 5

¹Niha mîna zarokên xoşewîst, Xwedê mînak bigirin

²û çawa ku Mesîh ji me hez kirîbe û xwe bona me bi pêşkêşiyek bêhnxweş û qurbanbûnek pêşkêşî Xwedê kiribe, hûn jî bi vî awayî di rêya evînê de bimeşin.

³Lê belê bila tu carî di nava we de zîna û tu qirêjî an jî çavbirçîtî bi bîr ve jî neyê; ev ne li gor pîrozan e.

⁴Bila di nava we de bêterbiyetî[1]û axaftinê bi ehmeqî, an jî qerfên erzan[2], yên ku ne liyaq in[3], nîn be; lê belê hîn zêde şikir bikin.

⁵Divê hûn bi biryarî bi vêya bizanibin ku, mêrasa tu kesê fahş, an jî yê mindar, an jî yê çavbirçî ku tê mana pûtperestiyê[1]di Serweriya Mesîh û Xwedê de nîne.

⁶Bila tu kes we bi gotinên vala ve nexapîne! Ji ber ku xezeba Xwedê ji ber vana tê ser lawên bêîtaetker.

⁷Bo vê sedemê nebin şirîkê[1]wan!

⁸Ji ber ku demekê hûn tarî bûn, lê belê niha, hûn di Xudan de ronahî ne. Bi zarokbûna ronahiyê ve bijîn!

⁹Ji ber ku mêwa ronahiyê di her tewr qencî, duristî û rastiyê de ye.

¹⁰Bona hînbûna ka çi Xudan xoşnûd bike, bişuxulin

¹¹û nebin hevparên karên tariyê yên bêmêw; lê belê hîn zêde wan eşkere bikin;

¹²ji ber ku qala tiştên ji aliyê wan ve dizîka dibin jî şerm e.

¹³Lê belê her tiştê ku eşkere dibe, ji aliyê ronahiyê ve xuya dibe; ji ber ku her tiştê xuya dibe ronahî ye.

¹⁴Bo vê yekê dibêje: Hişyar be, ya kesê di xewê de ye! Ji mirinê ve biveje! Dê Mesîh te ronahî bike!

¹⁵Wê demê ka hûn çawa dijîn, gellek balkêş bin; ne mîna kesên ku bê zaniyarî ne, lê belê mîna kesên zaniyar bijîn;

¹⁶fersendê bikirin[1]; ji ber, rojên ku em tê de dijîn xerab in.

¹⁷Bo vê yekê bêaqil nebin, lê belê ka xwestina Xudan çî ye lê hîn bibin!

¹⁸Û bi xemrê ve serxweş nebin, di wê de kancitî[1]heye; lê belê bi Ruh ve tijî bibin;

¹⁹ji hev û din re Zebûran, qesîdeyan û murxên ruhanî bibêjin û di dilê xwe de ji Xudan re murxan û Zebûran bixwînin;

²⁰bêsekin, bo her tiştî bi navê Xudanê me Îsa Mesîh ji Bavo Xweda re şikir bikin;

²¹di tirsa Xwedê de[1]bengî hev û din bibin[2]!

²²Ya pîrekno; mîna ku hûn bengî Xudan dibin; bengî mêrên xwe bibin.

²³Ji ber ku çawa xelaskerê bedenê Mesîh serokê Dêrê ye, mêr jî serokê pîrekê ye.

²⁴Lê belê mîna ku Dêr[1]bengî Mesîh bûye, bila pîrek jî bi vî awayî di her rewşê de bengî zilamên xwe bibin.

²⁵Ya zilamno, Mesîh çawa ku ji Dêrê hez kir û di oxra wê de xwe feda kir, hûn jî ûsa ji pîrekên xwe hez bikin;

²⁶bona wê bi şuştina avê û bi paqij kirina gotinê ve pîroz deyne, xwe feda kir;

²⁷ûsa ku, Dêrê bila li ser wê leke, qermiçandin, an jî bêyî tiştekî mîna vana bi rewşekî rewnaqî bi pîrozî û bêqisûrî pêşkêşî xwe bike.

²⁸Mîna vêya, zilam jî deyndar in ku mîna bedena xwe ji pîrekên xwe hez bikin. Kî ku ji jina xwe hez bike, ji xwe hez dike;

²⁹ji ber ku qet kesî, tu carî ji bedena xwe ve nekiribiye; lê wê xwedî dike û dihêvişîne, eynî mîna ku Mesîh Dêrê xwedî dike û dihêvişîne.

³⁰Ji ber ku em, endamên bedena wî, ji goştê wî û ji hestiyê wî ne.

³¹Bona vêya dê zilam dayik û bavê xwe berde û xwe bi pîreka xwe ve girê bide û dê her du bibin bedenek[1].

³²Ev rêz[1]mezin e; lê belê ez vêya di derheqê Mesîh û Dêrê de dibêjim.

³³Tevî vêya, bila her yekî ji we jî, bi vî awayî mîna xwe ji pîreka xwe hez bike û bila pîrek hurmetê ji zilamê xwe re bike!