Read PEYMANA NÛ 2017 (ÎNCÎL) Efesiyan 6 Bible Online

Efesiyan 6 - PEYMANA NÛ 2017 (ÎNCÎL) bible

Efesiyan 6

¹Ya zarokno, di Xudan de ji dayik û bavên xwe re îtaet bikin; ji ber ku ev rast e.

²Hurmetê ji bav û dayika xwe re bike, (emrê yekemîn yê bi wadê re ye, ev e);

³da ku: Bila ji te re bibe qencî û tu li dinê temen dirêj bibe[1]!

⁴Û ya bavikno, hêrsa zaroyên xwe hişyar mekin; lê belê wan bi perwerde û şîreta Xudan ve mezin bikin.

⁵Ya dîlno, gotinên efendiyên xwe yî li gor bedenê, mîna guhdana gotina Mesîh bi birêzî û tirsê ve, bi dilê paqij ve guhdarî bikin.

⁶Lê vêya mîna kesên ku bona dilxweş kirina mirovan dixwazin, bona bi çavan re xweşik xuya bike, mekin. Lê belê mîna qûlên Mesîh, xwestina Xwedê ji can ve bînin cîh.

⁷Û ne mîna ji mirovan re, mîna ji Xudan re xizmet dikin, ji dil ve xizmetê bikin

⁸û dixwaze bila kole, dixwaze bila azad bibe, hûn dizanin ku dê her kes bersiva her qenciya xwe ji Xudan ve bistînin.

⁹Û ya efendîno, hûn jî mîna vêya bi dîlên xwe re eynî tiştî bikin û tehdîtê li wan nekin[1]; hûn dizanin ku Xudanê we û wan li ezman e û ew di nava mirovan de cihêtiyê nake.

¹⁰Welhasil, di Xudan de û di quweta qudreta wî de bihêz bibin.

¹¹Bona ku hûn bikaribin li dijî hîleyên Îblîs bisekinin, hemû çekên Xwedê hilgirin[1].

¹²Ji ber ku şerê me ne li dijî xwînê û goşt e, lê li dijî rêvebiriyan, li dijî serweriyan, li dijî hêzên vê dinya tarî, li dijî artêşên xerabiyê yên ruhî, yên li cîhên ezmanî ne.

¹³Ji ber vêya, bona berxwedana roja xerab û bona ku li pey çêkirina her tiştên hewce li cîhê xwe bisekinin, hemû çekên Xwedê hilgirin.

¹⁴Bi vî awayî, wekî ku pişta xwe bi rasteqîniyê şidandî û zirxê dadiyê li xwe kiribe

¹⁵û bi amadekariya[1]Mizgîniya xweşiyê wekî li lingên xwe pêkiribin, li cîhê xwe bisekinin.

¹⁶Tevî vana hemûyan, mertala xwe yî baweriyê ya hemû tîrên şerkar[1]bi agir ditefîne jî rahêlin destê xwe.

¹⁷Û mîxfera xelasiyê û gotina Xwedê ya ku şûrê Ruh e, hilgirin;

¹⁸bi dua û li ber gerîna bi her awayî, her tim di Ruh de dua bikin û ji bo vê yekê, bi bergerandina bona hemû pîrozan, bi bexşandinek bêkêmasî hişyar bimînin.

¹⁹Û bona ku ez raza Mizgîniya[1]ku di oxra wê de, di zincîrê de niwêneriyê[2]dikim; bi dilawêrî daxuyanî bikim[3], bila di vebûna devê min de gotin ji min re bête bexşandin;

²⁰da ku, mîna ji min re hewce dike, ez bona gotinê di wê de bi cesaret bim, ji bo min jî dua bikin!

²¹Lê belê bona ku hûn bizanibin ez çawa me, çi dikim, dê birayê me yî bi rêz û xizmetkarê Xudan yê ewle Tîhîkûs her tiştî agahî we bike[1].

²²A vay, min wî bona vî tiştî ji we re şand; da ku, hûn tiştê di derheqê me de ne bizanibin û ew xemrewîniyê li dilê we bike.

²³Bila ji Bavo Xwedê û Xudan Îsa Mesîh ve ji birayan re bi xweşî, bawerî û hezkirin be.

²⁴Bila xêr[1]bi hemû kesên ku ji Xudanê me Îsa Mesîh bi hezkirinek bêdawî[2]ve hez dikin re be! Amîn.