Read PEYMANA NÛ 2017 (ÎNCÎL) Fîlîpiyan 3 Bible Online

Fîlîpiyan 3 - PEYMANA NÛ 2017 (ÎNCÎL) bible

Fîlîpiyan 3

¹Welhasil birayên min, di Xudan de kêfxweş bin! Ji we re nivîsandina tiştên wekhev, aciziyê nade min; lê belê ewlekariyê dide we.

²Xwe ji kûçikan ve biparêzin, ji karkerên xerab ve xwe biparêzin; ji jêkirinê[1]ve xwe biparêzin!

³Ji ber ku bisunetiyên rastî em, yên bi navgîniya Ruhê Xwedê ve peristinê dikin, bi Mesîh Îsa ve pesnahiyê didin û bi bedenê ve ne bawer in.

⁴Bi rastî ez dikarîbûm bi bedenê jî ewle bibûma; ger kesek din dibêje qey ew bi bedenê ewle bibe, ez hîn jî zêde;

⁵ez ku, roja heyştemîn hatime sunetkirin, ji nîjada Îsraêl, ji eşîra Benyamîn, ji Îbraniyan Îbraniyek; li gora zagonê Fêrisî,

⁶li gora xîretê, yê ku zilmê li Dêrê[1]dikir; li gor rastiya ku di zagonê de ye, bêqisûr bûm.

⁷Lê belê min her tiştên ku ji min re dibe qezenc, di oxra Mesîh de zerar[1]hesiband.

⁸Belê, ji ber bilindahiya zanîna Xudanê min Îsa Mesîh, yê ku min di oxra wî de her tiştên xwe winda kiriye, bi rastî jî her tiştî zirar dihesibînim û gihûr dihesibînim; da ku, ez Mesîh qezenc bikim

⁹û ne rastiya min, ya ku ji zagonê ye, lê belê bi baweriya Mesîh ve, bi rêya baweriya ji Xwedê ve û wekî rastî û baweriya min hebe, ez di wî de bêm dîtin;

¹⁰ez bi girtina sûretê mirina wî, wî û bi qudreta vejîna wî û bi şirîkantiya keserên wî bizanibim;

¹¹da ku, bi rêyekê ji miriyan bigihêjim vejînê.

¹²Ez nabêjim ku ji niha ve gîhaştime vana, an jî ji niha ve gîhaştime wê rayedariyê; lê belê bona xelata ku Mesîh bi qezenc kirina min ve daniye qezenc bikim baz didim.

¹³Birano, ez hîn xwe, vana qezenc kirî nahesibînim; lê belê vêya dikim: Hemû tiştên li dawiyê maye ji bîr dikim û bi dirêjbûna hemû tiştên pêşiyê ve

¹⁴bona qezenc kirina xelata ku Xwedê di banga xwe yî ezmanî de ya di Mesîh Îsa de daniye ber bi armancê ve baz didim.

¹⁵Li gora vêya bila hemû gîhaştiyên me[1]di vê ramanê de bin û ger di babetekî din de, ramanekî we yî din hebe, dê Xwedê vêya jî bi eşkeretî xuyayî we bike.

¹⁶Lê tiştê ku em gihîştinê çi be, em bi eynî zagonê ve bimeşin[1]!

¹⁷Birano, hûn hemû bi hev re min mînak bigirin û di jiyana kesên ku li gora mînakên me dijîn de balkêş bin.

¹⁸Ji ber ku, mîna min bi caran di derheqê wan de ji we re gotiye, niha jî di nava hêsirên çavan de dîsa dibêjim; gellek kesên dimeşin hene ku, neyarên xaça Mesîh in[1].

¹⁹Dawiya vana têkçûn e; îlahê vana hûrê wan e û bi şermên xwe pesnên xwe vedidin, tenê vê dinê difikirin.

²⁰Lê belê welatê me li ezmana ye; em ji wir li benda Xelasker; Xudan Îsa Mesîh in jî[1].

²¹Ew, bi çalakiya hêza xwe yî dikare her tiştî bi xwe ve girêde, dê bedenên me yî ketî jî biguherîne û bike mîna bedena xwe yî bilind.