Read PEYMANA NÛ 2017 (ÎNCÎL) Fîlîpiyan 4 Bible Online

Fîlîpiyan 4 - PEYMANA NÛ 2017 (ÎNCÎL) bible

Fîlîpiyan 4

¹Ji ber vê yekê, ya xoşewîstno, kêfxweşiya min, taca serê min, birayên minî xoşewîst, yên min ji dil bêriya wan kiriye, bi vî awayî di Xudan de ûsa sabît[1]bisekinin!

²Ez ji Evodiya ve rica dikim û Sîntîhê ve rica dikim, bila di Xudan de di ramanekî de bin.

³Belê, ya rêhevalê minî rasteqîn; li ber te jî digerim, alîkariyê ji wan re bike; ji ber ku ew bi min re, bi Klêment re û bi kedkarê min ên din yên navê wan di pirtûka jiyanê de ne re, bona Mizgîniyê têkoşînê kirin.

⁴Di Xudan de her tim kêfxweş bin; dîsa dibêjim: Kêfxweş bin!

⁵Bila sernermiya we ji aliyê hemû mirovan ve bê zanîn. Xudan nêz e[1]!

⁶Di tu tiştî de xemê nekişînin; lê belê bila di her tiştî de xwestekên we, ji Xwedê re, bi dua û lavayan, bi şikiryê ve bête gîhandin

⁷û aştiya Xwedê ya ku hemû hînkirinan derbas dibe, dê di Mesîh Îsa de[1]dilên we û ramanên we biparêze!

⁸Welhasil, ya birano, çi rûmetên rastî, birêzî, rasteqînî, pak, xweşik û dilovanî hebe, çi rûmetên liyaqî pesnahiyê û bixûpakî hebe, wê bifikirin!

⁹Yê ku hûn hîn bûne, we qebûl kirine, bihîstine û her çi tiştê ku we di min de dîtine jî bikin û dê Xwedayê dilxweşiyê bi we re be.

¹⁰Niha, ji ber ku we fikirê xwe yî di derheqê min de ne, di dawiyê de nû kirine, ez di Xudan de zehf kêfxweş bûm û we di vê babetê de jî difikirîn, lê belê fersenda we tunebû.

¹¹Gotina min ne di derheqê hewcedariyê de ye; ji ber ku ez di her rewşa ku tê de me, hînî qinyatkariyê bûme.

¹²Ez bi xizanî kişandinê jî dizanim, di nav firehiyê de jînê jî. Di her tiştî û di hemû tiştan de ez hînî raza him têrbûnê, him birçîbûnê, him di firehiyê de bûnê, him jî di motajiyê de bûnê[1], bûm.

¹³Ez dikarim bi navgîniya yê ku min bi hêz dike, her tiştî bikim.

¹⁴Lê belê we qenc kir ku tengasiyê min, bi min re par kirin.

¹⁵Û ya Fîlîpiyan, hûn jî dizanin ku, di destpêka Mizgîniyê de, dema ez ji Makêdonyayê derketim, di babeta dayîn û stendinê de xeynî we tenê, qet tu Dêr beşdarî min nebû.

¹⁶Ji ber ku dema ez li Selanîkê bûm jî, li ser motajiya min we yek du cara ji min re şandin.

¹⁷Ji ber ku ez li diyariyê nagerim; lê belê li hilbera li gor hesabê we zêde bûye ve digerim.

¹⁸Lê belê her tiştê min heye û ez di firehiyê[1]de me; tiştên ku ji we hatine ji Êpafrodît ve stendim û tijî me; vana pêşkêşiyên bêhn xweş, qurbanên meqbûl yê ku bi Xwedê ve xweş xuyanî dibin e.

¹⁹Û Xwedayê min her hewceyên we, dê bi dewlemendbûna xwe, di Mesîh Îsa de bi rewnaqiyê ve bibîne.

²⁰Bila ji Bavê me Xwedê re, heta bi abadîna abadînan ve bilindahî be! Amîn.

²¹Ji her yê pîroz re di Mesîh Îsa de silavê bikin! Birayên li cem min in, silavê li we dikin.

²²Hemû pîrozan û bi taybetî yên maliyên Qeyser in, silavê li we dikin.

²³Bila xêra[1]Xudanê me Îsa Mesîh bi we hemûyan re be[2]! Amîn.