Read PEYMANA NÛ 2017 (ÎNCÎL) Kolosiyan 1 Bible Online

Kolosiyan 1 - PEYMANA NÛ 2017 (ÎNCÎL) bible

Kolosiyan 1

¹Ji Pawlosê ku bi viyana[1]Xwedê bûye şagirtê Mesîh Îsa û ji birayê Tîmotêyos,

²ji birayên di Mesîh de pîroz û dilsoz, yên ku li Kolosê ne re: Bila ji Bavê me Xwedê û Xudan Îsa Mesîh ve, ji we re xêr û xweşî bibe!

³Di Mesîh Îsa de baweriya we û di kelama rasteqîn ya Mizgîniya ku ji we re hatiye de, bi sedema hêviya ku we di derheqê wê de ji berê ve bihîstine, bona we li ezmanan veşartî ye;

⁴wekî me ji hezkirina we ya bi hemû pîrozan re ye bihîstine bin, her tim bona we bi dua kirinê,

⁵em ji Xwedê û Bavê Xudanê me Îsa Mesîh re şikir dikin.

⁶Ew Mizgînî mîna ji roja ku we wê bihîst û bi rastî jî hînî xêra Xwedê bûn di nava we de ye, di hemû dinê de jî mêwan dide û mezin dibe.

⁷We vêya ji xizmetkarê Mesîh, yê dilsoz, yê ji bo we ye, ji hemkedkarê me yî xoşewîst Êpafras ve bihîstin;

⁸wî jî hezkirina we yî di Ruh de têgîhand me.

⁹Ji ber vê yekê, ji roja ku me vêya bihîstiye, em jî bona we ji dua û lava kirinê, bi hemû zanyarî û fêhm kirina ruhanî ve ji xwestina bona ku hûn xwestina wî bêkêmasî bizanibin paş ve nesekinîn;

¹⁰da ku, hûn bi liyaqiya Xudan ve bijîn û wî ji her alî ve xoşnûd bikin, bona ku hûn di her karê qenc de hilberê[1]bidin û di nasîna Xwedê de pêş ve biçin, em dua dikin.

¹¹Em dixwazin bona ku hûn li berya her tiştî bi kêfxweşiyê baldirêjî bin, xwe bispêrin hêza wî û bi qudretê ve xwurt bin;

¹²hûn ji Bavo yê ku me bona şirîkantiya mêrasa pîrozan ya di ronahiyê de ye ehîl daniye re şikiryê bikin.

¹³Wî, me ji hukimraniya tariyê ve xelas kir û danî serweriya Lawê xwe yî xoşewîst.

¹⁴Em di xwîna wî de xwediyê xelasiyê û efû kirina gunehên xwe ne.

¹⁵Ew xuyakirina Xwedayê ku xuya nabe, pêşî zayiyê hemû afirandinê ye.

¹⁶Ji ber ku li ezman û erd, hemû tiştên xuya dibin û yên xuya nabin, textan, serweriyan, rêvebiriyan û hukimraniyan, her tişt di wî de hate afirandin; hemû tişt bi navgîniya wî û bona wî hatine afirandin.

¹⁷Yê berî her tiştî heye ew e û her tişt hebûna xwe di wî de didomînin.

¹⁸Û serê bedenê, yanê, serê Dêrê[1]ew e; bona ku di her tiştî de cîhê pêşîn bigire, yê destpêk û di nava miriyan de pêşiyê bûyiye ew e.

¹⁹Ji ber ku (Xwedê) li cîh dît ku bila hemû tijîbûna xwe di wî de be

²⁰û razî hat ku bi xwîna xaça wî[1]ve, bi ava kirina aşitiyê divê tiştên ku li erdê ne, divê tiştên ku li ezman in, bi navgîniya wî ve hemû bi xwe re[2]li hev bên.

²¹Û hûn jî, demekê di fikrandina xwe û di karên xwe yî xerab de biyan û neyar bûn,

²²lê belê niha di bedena xwe yî goşt de, bi navgîniya mirinê ve wî hûn li hev anîn;

²³ger hûn ji hêviya Mizgîniya ku ez, Pawlos xizmetkarê wê me, ya ku we bihîstine û ji hemû afirên di bin ezmanan de ne re tête waz kirin, tev nelibitin; di baweriyê de bi bingehîbûnê û pêdandî bidomînin, dê we bi pîrozî û bêleke û bi bêsûcî di hizûra wî de pêşkêş bike.

²⁴Ez niha ji bona we keser kişandina xwe ve kêfxweş dibim û kêmasiya tengasiyên di oxra Dêra ku bedena Mesîh e de, ji aliyê min ve di bedena xwe de temam dikim.

²⁵Ez, bona kelama Xwedê, raz a ku ji dewr û nifşan ve hatiye veşartin, li gor rêzkirina bona we, ya Xwedê, ya ji min re hatiye dayîn, bûm xizmetkarê Dêrê;

²⁶lê belê raz, ji pîrozên wî re niha hate daxuyanî kirin; di nav neteweyan de dewlemendiya bilindahiya vê razê ka çî ye,

²⁷yanê, Xwedê xwest bigehîne wan ku, Mesîhê ku hêviya bilindahiyê ye, di we de ye;

²⁸vêya jî em, bona ku her mirovî di Mesîh de bi kamilbûnê pêşkêş bikin, ji her mirovî re bi şîret û ji her mirovî re bi hemû hîkmeta wê hînkirinê ve bang dikin;

²⁹bo vê yekê ez jî li gor kirinên wî yên bi qudretê ve dike, bi cehd û xebatê ve têkoşînê didim.