Read PEYMANA NÛ 2017 (ÎNCÎL) Kolosiyan 2 Bible Online

Kolosiyan 2 - PEYMANA NÛ 2017 (ÎNCÎL) bible

Kolosiyan 2

¹Ji ber ez dixwazim hûn bizanibin ku divê bo we, divê bo yên li Laodîkyayê ne û divê jî bo yên tu carî wecê min nedîtine, ez çi têkoşînek mezin didim;

²da ku, bila dilê wan metirsiyê bibîne û bila di hezkirinê de yek bibin;

³yanê, bila bigihêjin hemû dewlemendiya ewledariya hînkirê daye û raza Xwedê, Mesîhê ku hemû xezîneyên zaniyarî û zanînê tê de veşartiye, nas bikin.

⁴Ez vêya, bona tu kes we bi gotinên nerm ve nexapînin dibêjim.

⁵Ji ber ku her çiqas ez bi bedenê ne di nav we de bim jî, bi ruhî tevî we me; ez birêzbûniya we û zexmbûna baweriya we yî bo Mesîh dibînim û kêfxweş dibim.

⁶Wê demê we çawa Xudan Mesîh Îsa qebûl kiribin, bi wî awayî di wî de bijîn

⁷û bi şikiryê ve tijî bibin, di wî de bi reh bibin û bi avahîbûnê mîna ku hînî we bûye di baweriyê de bi hêz bibin.

⁸Xwe biparêzin! Bila tu kes bi gotinên vala û xapînokî, bi felsefeya xwe yî ne li Mesîh, li kevneşopa mirovan û seretayên bingehê dinê ve spartî ye we talan nekin;

⁹ji ber ku hemû tijîbûna Xwedayî bi bedenî di wî de ye;

¹⁰serê her rêvebir û serweriyê ew e û hûn jî di wî de gîhaştin tijîbûnê.

¹¹We di suneta Mesîh de, bi ji xwe kirina bedena goşt[1], bi suneta ku bi dest ve nayê çêkirin hûn di wî de hatin sunet kirin.

¹²Di vaftîzê de hûn bi wî re hatin binax kirin û bi bawerî anîna hêza Xwedayê ku wî ji mirinê ve vejandiye, hûn jî bi wî re vejiyan.

¹³Dema hûn ji berya sûc û bêsunetbûna bedena xwe mirî bûn, wî hemû sûcên we bexşandin, we tevî wî vejandin.

¹⁴Wî zagona nivîsî ya ku bi qaîdeyên xwe li dijberê me bû, paqij kir, wê li xaçê xist û ji navendê rakir.

¹⁵Dema wî çekên di destê serwerî û rêvebiriyan de girt, wan di xaçê de bindest kir û bi vî awayî her tiştî bi eşkeretî li ber çavan raxist.

¹⁶Bo vê sedemê bila tu kes di derheqê xwarin û vexwarin, cejn, an meha nû, an jî roja Sebtê de we daraz neke;

¹⁷vana, siya tiştên ku dê were ne, lê belê ya esil di Mesîh de ye[1].

¹⁸Bila tu kesên di dilnizmiya sexte û peristina milyaketan de di ber xwe didin, yên li ser xewnên xwe yî dîtiye disekine û bi ramanên ezitiya xweza ve li cîhê vala quretiyê dikin û yên nikarin xwe bi Serî ve bigirin, we bêyî xelata we nehêlin.

¹⁹Bi alîkariya hemû beden, movik û peywendiyan ji vî Seriyî xwe têr dike û temam dibe, bi mezinbûna ku Xwedê dide geş dibe.

²⁰Ger hûn tevî Mesîh, ji seretayên bingehî yên dinê re mirine, ma çima hûn mîna yên di dinê de dijîn, li pey qaîdeyên mîna:

²¹Vêya negre, vêya tam neke û dest vêya nede, diçin?

²²Hemûya vana, bona tiştên bi şuxulandinê ve tune bibin e; spartî emir û hînkariyên mirovan e.

²³Bê şik, ji aliyê ji dil ve peristinê, dilnizmiya sexte û ji bedenê re eziyet kirinê de, xuyakirinek zaniyarî ya van qaîdeyan heye; lê belê bona berketina têkçûna ezitiya xweza, tu qenciya wan nîne.