Read PEYMANA NÛ 2017 (ÎNCÎL) Kolosiyan 3 Bible Online

Kolosiyan 3 - PEYMANA NÛ 2017 (ÎNCÎL) bible

Kolosiyan 3

¹Niha, ger hûn tevî Mesîh vejiyabin, tiştên li ezmanê ne bigerin; Mesîh li wir, li rastê Xwedê rûniştiye.

²Ne li tiştên erdê ne, tiştên ku li ezmanê ne bifikirin.

³Ji ber ku hûn mirin, jiyana we tevî Mesîh, di Xwedê de veşartî ye.

⁴Mesîhê ku bûye jiyana me, kengî xuyanî bibe, wê çaxê hûn ê jî bi wî re, di bilindahiyê de bêne xuyanî kirin.

⁵Bo vê sedemê endamên xwe yî li ser rûyê erdê: Zînayê, pîsitî, azwerî, xwestekên xerab û çavbirçîtiya tê mana pûtperestiyê, bikujin!

⁶Ji ber vana, xezeba Xwedê, bi ser lawên bêîtaetê ve tê.

⁷Dema ku hûn di nava vana de dijiyan, hûn jî demekê di wan de dimeşiyan.

⁸Lê belê niha, hûn jî: Hêrsê, girrê, xerabiyê, îftirayê, ji devê xwe ve gotinên bêedebî, giştikî bavêjin[1].

⁹Derewan ji hev û din re mekin; ji ber ku we afirandina kevin, tevî elimandinên xwe yî xerab ji ser xwe derxist û avêtin.

¹⁰Û we afirandina nû, ya li gor wekhevbûna Afirderê xwe bona gîhaştina zanîna bêkêmasî hatiye nû kirin, li xwe kirin;

¹¹di wê de cihêtiya Grek û Cihûd, bisunet û bêsunet, barbar[1], Îskît, dîl û azadan nîne; lê Mesîh her tişt e û di her tiştî de ye.

¹²Bi vî awayî hûn, mîna yên ji aliyê Xwedê ve bi pîroz û xoşewîstiyê ve hatine bijartinê, qenciyê, dilxweşiyê, dilnizmiyê, sebr û nermiyê li xwe bikin;

¹³bila têkiliyên we yî bi hev û din re, dilxweş û nerm bibin; ger giliyê yekî ji we, ji yê din hebe, mîna ku Xudan we bexşandiye, hûn jî hev û din wusa bibexşînin.

¹⁴Li ser hemûyan vana ve hezkirina ku peywendiya kemaliyê[1]ye li xwe bikin.

¹⁵Bila dilxweşiya Mesîh, di dilê we de dadmend[1]bibe; ji vêya re jî hûn di bedenekê de hatin dawet kirin û bibin yên şikiryê dikin!

¹⁶Bila gotina Mesîh, bi hemû dewlemendbûna xwe di hundirê we de bijî; bi hemû zaniyariyê hînî hev û din bikin, şîreta bidin hev, bi gotina Zebûran, qesîdeyan û murxên ruhanî di dilê xwe de bi şikiryê awazan bilindî Xwedê bikin.

¹⁷Û her çi ku hûn di gotinê de, an jî di şixulê de bikin, hemûyan bi navê Xudan Îsa û bi navgîniya wî ji Bavo Xwedê re şikiryê bikin û çêkin.

¹⁸Ya pîrekno, li gor di Xudan de liyaq be, bengî zilamên xwe bibin!

¹⁹Ya zilamno, ji pîrekên xwe hez bikin û li dijî wan muameleya tehl mekin!

²⁰Ya zarokno, di her tiştî de ji dayik û bavên xwe re îtaet bikin; ji ber ku ev, Xudan xoşnûd dike!

²¹Ya bavikno, zarokên xwe neêşînin; ya na dê metirsiya wan bişkê!

²²Ya dîlno, di her tiştî de ji efendiyên xwe yî li gor bedenê re îtaet bikin; vêya ne mîna kesên ku dixwazin mirovan xoşnûd bikin, xizmeta li ber çavan xweş dibe dikin, lê bi dilê pak û bi tirsa Xudan bikin.

²³Bi zanîna hûn dê ji Xudan ve xelata mêrasê bistînin,

²⁴her çi hûn bikin, ne mîna ku ji bo mirovan dikin, mîna ku bona Xudan dikin ji dil[1]çêkin; hûn ji Xudan Mesîh re qûlitiyê dikin!

²⁵Lê belê yê ku neheqiyê dike, dê bersiva neheqiya ku kiriye bistîne û di nava mirovan de cihêtî nîne.