Read PEYMANA NÛ 2017 (ÎNCÎL) Kolosiyan 4 Bible Online

Kolosiyan 4 - PEYMANA NÛ 2017 (ÎNCÎL) bible

Kolosiyan 4

¹Ya efendîno; bizanibin ku li ezman Efendiyek we jî heye û bi vî awayî ji dîlê xwe re bidad û wekheviyê ve têkiliyê deynin.

²Xwe bidin duayê û di wê de hişyar bimînin û şikir bikin.

³Di eynî demê de bona me jî dua bikin, da ku, bila Xwedê, bona gotina wî belav bikin û bona raz a[1]Mesîhê ku ez di oxra wî de hatime mehkûm kirin daxuyanî bikin, bila deriyek ji me re veke

⁴û bona ez vê razê li gor ku hewceye bi eşkeretî belav bikim.

⁵Fersendê bistînin[1]û li dijî yên ku li derve ne, bi zaniyariyê ve bimeşin.

⁶Bona hûn bizanibin ku ji her kesî re ka dê bi çi awayî bersiv bête dayîn, bila gotina we, mîna bi xwê ve hatibe perwerde kirin, her tim bi xêrê be.

⁷Birayê me yî birêz, Tîhîkûsê di rêya Xudan de hemkedkarê min û xizmetkarê ewledar, dê hemû tiştê di derheqê min de bigehîne we.

⁸A vay, bi vê armancê bona ku rewşa me bigehîne û metirsiyê bide dilê we, min wî ji we re,

⁹tevî yekî ji we, birayê ewledar û birêz Onîsîmûs şand; ew dê hemû tiştên li vir dibin, bigihînin we.

¹⁰Hevalê minî girtîgehê Arîstarkûs û biraziyê Barnabas Marqos, – we emiran di derheqê wî de girtin; ger were cem we, wî qebûl bikin –

¹¹û Yêşûyê ku jê re Yûstûs tête gotin, ji we re silav dikin; vana yên ji bisunetbûnê ve ne; bona Serweriya Xwedê tenê vana hevalên min yên xebatê ne û ew ji min re bûn xemrevînî.

¹²Yekî ji we û yê ku qûlê Mesîh Îsa ye, Êpafras silavê li we dike; bona ku hûn bi xwestina Xwedê ve girêdayî bimînin û rayedar û xwedîbûna ewledariyek bê kêmasî li ser pêlan bimînin, ew her tim ji bo we bi duayê ve ceng dike.

¹³Ji ber ku ez di derheqê wî de şahdeyiyê dikim ku, him bona we û him jî bona yên li Lawdîkyayê û Hêrapolîsê ne, pirr ked daye.

¹⁴Hekîmê[1]birêz Lûqa û Dîmas silavê li we dikin.

¹⁵Ji birayên li Lawdîkyayê ne re, ji Nîmfa re û ji Dêra ku li mala wî ye re silavê bikin.

¹⁶Û paşî ku vê nameya di nava we de hate xwendin, wusa bikin ku, bila di Dêra Lawdîkyayê de jî bê xwendin û hûn jî nameya ku ji Lawdîkyayê ye, bixwînin.

¹⁷Û ji Axrîpo re: Bona xizmeta ku te di Xudan de girtiye bibe serî, balkêşê wê be! bibêjin.

¹⁸Ez, Pawlos, vê silavê bi destê xwe ve dinivîsînim. Girêdana min di bîra xwe de bînin[1]! Bila xêr[2]bi we re be! Amîn.