Read PEYMANA NÛ 2017 (ÎNCÎL) 1. Selanîkiyan 1 Bible Online

1. Selanîkiyan 1 - PEYMANA NÛ 2017 (ÎNCÎL) bible

1. Selanîkiyan 1

¹Pawlos û Sîlvanos û Tîmotêyos, ji Dêra Selanîkiyan, ya ku di Bavo Xwedê de û di Xudan Îsa Mesîh de ye re: Bila xêr û xweşî ji we re be[1]!

²Em di duayên xwe de we di bîr de tînin û her tim, bona we hemûyan şikiryê ji Xwedê re dikin. Em, çalakiya we yî dexla baweriyê,

³keda we yî xwe spartiye hezkirinê û berxwedaniya we yî ji hêviya ku we bi Xudanê me Îsa Mesîh ve girê dayîne, li ber Bavê xwe Xwedê her tim bi bîr tînin.

⁴Birayên minî Xwedê ji wan hez dike, em dizanin ku wî we bijartiye.

⁵Ji ber Mizgîniya ku em belav dikin ji we re ne tenê bi gotinan, bi qudretê ve, bi Ruhê Pîroz ve û bi ewlebûnekî mezin ve gîhişt we. Ji ber ku dema em di nava we de bûn, bona qenciya we em çawa dijiyan, hûn dizanin.

⁶Û we di nava pirr tengasiyan de bi dilxweşiya ku Ruhê Pîroz daye, gotinê qebûl kir û bûn yên ku li gor me û Xudan dikin[1];

⁷ûsa ku, hûn ji hemû bawerkirên li Makêdonya û li Ahayayê re bûn mînak.

⁸Ji ber ku gotina Xudan ji we belav bû; xebera baweriya we yî bi Xwedê ve tenê ne gîhaştiye Makêdonya û Ahayayê, lê belê gîhaştiye her derî; ûsa ku, êdî hewce nema ku em tiştekî bibêjin.

⁹Ji ber ku ezimandina ku we ji me re kiriye

¹⁰û bona ku ji ezmanan li benda Lawê xwe yî li nav miriyan vejandiye, Îsayê ku dê me ji xezeba were biparêze bimînin û bona ji Xwedayê ku zindî û rasteqîn e re qûlitiyê bikin, ew bi xwe agahiyê didin ku ka hûn çawa ji pûtan vegeriyane Xwedê.