Read PEYMANA NÛ 2017 (ÎNCÎL) 1. Selanîkiyan 3 Bible Online

1. Selanîkiyan 3 - PEYMANA NÛ 2017 (ÎNCÎL) bible

1. Selanîkiyan 3

¹Ji bo vêya êdî me deyax nekirin û em li Atînayê, bi tenê hiştinê ve razî bûn

²û bona ku we pêdandî bike û di derheqê baweriya we de xemrevîniyê bike, me birayê xwe Tîmotêyos, yê ku di Mizgîniya Mesîh de xizmetkarê Xwedê ye, şand;

³da ku, bila di tengasiyan de tu kes nelerize, ji ber, hûn bi xwe dizanin ku, em bona vêya hatine wezîfedar kirin.

⁴Ji ber ku me tengasî kişandina xwe ji berê ve, hîn gava em li cem we bûn ji we re gotibûn û mîna ku hûn dizanin ûsa jî bû.

⁵Bi vê sedemê êdî min jî zêde nikarîbû di berxwe bida û bona ez rewşa baweriya we û ka xapînok rêyekî wê dît û we xapand, gelo keda me berhewa bû an nebû[1]hîn bibim, min wî şand.

⁶Lê belê Tîmotêyos yê ku hîn nû ji cem we vegeriyaye cem me, di derheqê bawerî û hezkirina we de nûçeyên xweş anîn; her tim bîranîna we yî qencî di derheqê me de, qasî ku me bêrîkirina dîtina we kiriye, we jî ewqas bêriya me kiriye got;

⁷bi vê sedemê ya birano, di nava hemû êş û tengasiyên xwe de ji ber baweriya we, me bi we xemrevîniyê dîtin.

⁸Ji ber ku ger hûn bi Xudan ve girêdayî bimînin, em ê bijîn!

⁹Ji ber ku li berya Xwedanê xwe, bi bersivbûna vê dilxweşiya ku me bona we bihîstiye, gelo em ê çawa bi têrî bona we şikiryê ji Xwedanê xwe re bikin?

¹⁰Bona ku em bi we re rû bi rû hevdîtinê bikin û kêmasiyên baweriya we temam bikin, bi şev û roj em zehf dua dikin.

¹¹Bavê me Xwedê bi xwe û Xudanê me Îsa Mesîh, bona ku em bigihêjin we, bila rêya me veke!

¹²Û mîna ku hezkirina me ji we re heye, bila Xudan we di hezkirina ji hev û din re û ya ji hemû mirovan re de, mezin û zêde bike!

¹³da ku, dema Xudanê me Îsa Mesîh bi hemû pîrozên xwe re hat, bona ku hûn li berya Bavê me Xwedê di pîroziyê de bêqisûr bin, bila dilê we bizexmîne[1].