Read PEYMANA NÛ 2017 (ÎNCÎL) 2. Selanîkiyan 3 Bible Online

2. Selanîkiyan 3 - PEYMANA NÛ 2017 (ÎNCÎL) bible

2. Selanîkiyan 3

¹Bi kurtî, ya birano, bona ku Gotina Xudan, mîna di nav we de bû, bi lez belav bibe û bê bilind kirin, bona me dua bikin;

²bona ku em ji mirovên bêexlaq û xerab xelas bibin jî dua bikin; ji ber ku baweriya hemûyan nîne.

³Lê belê Xudan ewledar e; ew ê we zexm bike û ji yê xerab ve xelas bike.

⁴Di Xudan de hêviya me bi we heye ku, hûn, tiştên ku me emir kirine dikin û hûn ê bikin.

⁵Lê belê bila Xudan, dilê we ber bi hezkirina Xwedê û sebra Mesîh ve bibe.

⁶Niha, ya birano, em bi navê Xudan Îsa Mesîh emir didin we ku, ji her birayên ku ne li pey hînkariyên ku ji me qebûl kirine, lê bê nîzamiyê dimeşin ve dûr bisekinin[1].

⁷Ji ber, hûn bi xwe dizanin ku hûn ê çawa me ji xwe re bi mînakî bigirin; ji ber ku dema em di nava we de bûn, em ne yên valagerok bûn

⁸û me bê berdêl nanê kesekî nexwarin; lê belê, bona ku em ji we yekî re nebin bargiranî, bi şev û roj em bi ked û zehmetê ve xebitîn.

⁹Ne ji ber ku rayedariya me tunebû, lê belê bona ku hûn li gor me bikin, em xwe mîna mînakekê nîşanî we bidin bû.

¹⁰Ji ber ku dema hîn em li cem we bûn, me vî emrî da we: Yê ku naxwaze bixebite, bila xwarinê jî nexwe!

¹¹Ji ber, em dibihîzin ku hinek kes di nava we de betal digerin; tu karî nakin, lê belê dipelişin karên kesên din.

¹²Û bona yên ku wusa ne, bi aramiyê bixebitin û nanê xwe bixwin, em di Xudan Îsa Mesîh de temmî[1]û wan teşwîq dikin.

¹³Lê belê, ya birano, hûn ji qencîtî kirinê ve aciz nebin!

¹⁴Lê belê ger kesekî ji van gotinên me yî di vê nameyê de ne re îtaet neke, wî nîşan bikin[1]; bona ku ji kirinên xwe ve bişerme, têkiliyên xwe yî bi wî re bibirin.

¹⁵Û dîsa jî wî neyar nehesibînin, bi biratîbûnê wî îkaz bikin.

¹⁶Lê belê Xudanê aşitiyê her wext, di her rewşê de, bi xwe aşitiyê bide we! Bila Xudan bi we hemûyan re be!

¹⁷Ez Pawlos, bi destê xwe ve silav; di her nameyê de nişan ev e; wusa dinivîsînim.

¹⁸Bila xêra[1]Xudanê me Îsa Mesîh bi we hemûyan re be! Amîn.