Read PEYMANA NÛ 2017 (ÎNCÎL) 1. Tîmotêyos 2 Bible Online

1. Tîmotêyos 2 - PEYMANA NÛ 2017 (ÎNCÎL) bible

1. Tîmotêyos 2

¹Niha ez berî her tiştî teşwîqî vêya dikim: Bona ku em di rêya Xwedê de bi girêdanek tam û di nav sergiraniyê de jiyanek bêdeng û biaram bajon, bila ji bo hemû mirovan,

²qiralan û rêvabirên cîhê bilind xwestek, dua, li bergerîn û şikirî bên kirin.

³Ji ber ku ev li cem Xelaskerê me Xwedê qenc û hêja ye;

⁴ew dixwaze ku hemû mirov xelas bibin û bigihêjin zanîna rastiyê.

⁵Ji ber ku tenê Xwedayek û di navbera Xwedê û mirovan de navdîtiyek heye;

⁶ev jî Mesîh Îsayê ku bûye mirov û bona her kesî xwe wekî fîdye daye; şahdeyiya ku di dema li cîh de hatiye dayîn ev e.

⁷Ez ji vê şahdeyê re wekî waiz û şagirt bim; – ez rastiyê dibêjim, derewan nabêjim –; di bawerî û rastiyê de wekî mamosteyê netewan bim, ez hatim wezîfedar kirin.

⁸Niha, ez dixwazim ku bila zilam bê hêrs û keftûleftê[1]li her derê destên xwe yî paqij bilind bikin[2]û dua bikin.

⁹Mîna vêya bila pîrek jî xwe ne bi guliyên por û zêr, an înciyan, an kincên zehf giranbuha, bi qiyafetekî[1]sade, lê li gor edebê û bi awayekî pîvangî de

¹⁰û – li gor pîrekên xwedî teqwa ne –, bila xwe bi karên qenc ve bixemilînin.

¹¹Bila pîrek bi bêdengî û bi sernermiyek tam ve hîn bibe.

¹²Lê belê ez destûr nadim ku pîrek fêr bike û bibe serwerê zilam; lê bila bêdeng bibe.

¹³Ji ber ku pêşiyê Adem, pişt re Hawa hate afirandin.

¹⁴Û Adem nehat xapandin, lê belê pîrek hat xapandin û sûc kir.

¹⁵Lê belê ger ew di rastdîtin, bawerî, hezkirin û pîroziyê de bijîn, dê bi welidandina zarok ve xelas bibe[1].