Read PEYMANA NÛ 2017 (ÎNCÎL) 1. Tîmotêyos 4 Bible Online

1. Tîmotêyos 4 - PEYMANA NÛ 2017 (ÎNCÎL) bible

1. Tîmotêyos 4

¹Lê belê Ruh bi eşkeretî dibêje ku, di demên dawiyê de dê hin kes ji bawiriyê ve vegerin û ruhên xapînokî û hînkirinên cinan guhdarî bikin;

²dê bi durûyiya derewkiran ûcdanê wan mîna ku bi hesinekî sorbûyî ve bête dax kirin;

³dê ew zewacê qedexe bikin û di vekişandina, ji xwarinên ku Xwedê bona yên baweriyê anîne û bi rasteqîniyê ve dizanin, bi şikiryê bixwin, afirandiye de emir bikin.

⁴Ji ber, her tiştên ku Xwedê afirandiye, qenc in û ger bi şikiryê bê qebûl kirin tu tişt neyê red kirin;

⁵ji ber ku her tişt bi gotina Xwedê û bi duê[1]ve tê pîroz kirin.

⁶Ger tu vana ji birayan re şîret bike, bi têrbûna bawerî û gotinên hînkariya qenc ve tuyê ji Mesîh Îsa re bibe xizmetkarekî qenc.

⁷Lê belê bêxwedatî û çîrokên ku li gor jinepîran e red bike; lê belê xwe di rêya Xwedê de perwerde bike!

⁸Ji ber qenciya perwerde kirina bedenê hindik e; lê belê teqwa ya wada niha û dema bê dexlî wê ye, ji her alî ve feydedar e[1].

⁹Ev gotin ewledar e û ji her alî ve liyaqê qebûl kirinê ye.

¹⁰Ji ber ku em bona vêya kedê didin û têkoşînê dikin; ji ber, me hêviya xwe bi yê ku Xelaskerê hemû mirovan, bi taybetî jî yê bawerkiran e, Xwedayê zindî ve girê da.

¹¹Temmiya vana bide û hîn bike!

¹²Bila tu kes civaniya te biçûk nebîne; lê belê di gotinê de, di tevgerê de, di hezkirinê de, di ruh de, di baweriyê de û di safîbûnê de ji bawerkiran re bibe mînak!

¹³Heta ku ez bêm cem we, ji bo xwendinê, teşfîq kirinê û hînkirinê bixebite.

¹⁴Li xelata ruhanî ya ku dema lijneya kalepîran, li gora gotina peyxambertiyê dest danîn ser te, ji te re hatiye dayîn, xemsariyê meke!

¹⁵Di van tiştan de bi xîret be; di vana de bijî[1], bila her kes pêşveçûna te bibîne!

¹⁶Li xwe û hînkariya xwe miqate be; di wan de bidomîne! Ji ber ku bi kirina vêya tuyê him xwe, him jî kesên te guhdarî dikin xelas bikî.