Read PEYMANA NÛ 2017 (ÎNCÎL) 1. Tîmotêyos 6 Bible Online

1. Tîmotêyos 6 - PEYMANA NÛ 2017 (ÎNCÎL) bible

1. Tîmotêyos 6

¹Hemûyên di bin nîrê de ne, bila efendiyê xwe liyaqî hurmeta bitûmî bibînin, da ku, bila ji nav û hînkariya Xwedê re kufir neyê kirin.

²Lê belê yên efendiyên wan baweriyê anîne jî, bila bi gotina çawa be em bira ne, bêrêziyê li wan mekin; lê belê bila hîn jî zêde xizmetê bikin; ji ber ku yên ji vê xizmetê qenciyê bibînin, bawerker û xoşewîst in. Van tiştan bide hînkirin û teşwîq bike!

³Ger kesek, hînkariyên cihê belav bike û gotinên zexm, bi gotinên Xudanê me Îsa Mesîh ve û hînkariya ku li gor teqwayê ye razî nebe,

⁴bi nezaniya tiştekî bi kubrê ve ketiye; lê belê ji ber derxistina guftego û şerên bêjeyan nexweş e; çavnebarî, keftûleft, îftira, şikên xeraban,

⁵keftûlefta zilamên ku ramançewt bûyîne û mehrûmê rastiyê ne, yên teqwayê mîna rêya qezencê dizanin, ji vana ve dibin; ji yên ûsa dûr bisekine!

⁶Lê belê qenîetkirina bi teqwayê ve qezencek mezin e;

⁷ji ber ku me ne tiştekî aniye dinê û ne jî em karin ji dinê tiştekî bibin.

⁸Lê belê ger xwarin û kincên me hebin, em ê bi wan qenîet bikin.

⁹Lê belê yê ku dixwazin dewlemend bibin jî, tên xapandin û dikevin kemînê, ber bi gellek azweriyên bi zirar û bêmane yê ku mirovan dibe xerabûn û têkçûnê ve dikevin.

¹⁰Ji ber ku rehekî[1]her tewr xerabiyê hezkirina pera ye; hinek kes, bi hewes kirina vêya ve ji baweriyê ve vegeriyan û xwe bi xwe gellek êşê dan xwe.

¹¹Lê belê tu, ya mirovê Xwedê, ji vana ve bireve; li pey rastiyê, teqwayê, baweriyê, hezkirinê, sebrê û nermiyê ve bazde!

¹²Têkoşîna qenc, ya di oxra baweriyê de bidomîne û bi jiyana abadîn ya li ber gellek şahdeyan wekî mukuriya qenc, tu bi mukur anînê ve hatiye dawet kirin, bigire.

¹³Ez di hizûra Mesîh Îsayê li ber Xwedayê ku jînê daye her tiştî û li ber Pontiyûs Pîlato ve şahdeyiyê li mukuriya qenc kiriye de vê temmiyê li te dikim;

¹⁴heta hatina Xudanê me Îsa Mesîh tu emir bêqirêj û bêqisûr bigire;

¹⁵yê pîroz û serwerê tekane, Qiralê qiralan, Xudanê xudanan,

¹⁶xwediyê bêmiriniyê tenê, yê ku di ronahiya ku mere nikare nêzîkî wê bibe de disekine[1], yê ku tu mirov wî ne dîtiye û ne jî dikare bibîne, dê wî di dema hatiye bijartin de derxîne holê; bila rûmet û qudreta bêdawî ji wî re be! Amîn.

¹⁷Ji yên ku di dinya niha de dewlemend in re temmiya, raman bilind nebûniyê û ne bi bêqirariya dewlemendiyê, lê belê bi Xwedayê ku bona zewqê her tiştî bi zêdeyî daye me ve hêviya xwe girêdanê,

¹⁸bona jiyana ku bi rastî ye bigirin, bona demên ku dê werin, ji xwe re bingehekî qenc amade kirinê û qencî kirinê;

¹⁹di karên qenc de dewlemendbûnê, bona belav kirinê amadeyiyê û comerdbûnê, bike.

²⁰Ya Tîmotêyos, ya ku ji te re hatiye emanetkirin biparêze; ji gotinê vala û ne pîroz, ji pozberiyê ramanên ku bi xeletî ji wan re dibêjin zanîn, xwe biparêze!

²¹Hin kesan bi îdîa kirina vêya di derheqê baweriyê de çewt bûn[1]. Bila xêr[2]bi te re be! Amîn.