Read PEYMANA NÛ 2017 (ÎNCÎL) 2. Tîmotêyos 2 Bible Online

2. Tîmotêyos 2 - PEYMANA NÛ 2017 (ÎNCÎL) bible

2. Tîmotêyos 2

¹Niha tu, ya lawê min, di xêra di Mesîh Îsa de ye de xwurt bibe.

²Û tiştên ku te di nava gellek şahdeyan de ji min bihîstine, siparteyî zilamên ku bikaribin hînî kesên din bikin û dilsoz in re bike.

³Mîna leşkerekî qenc yê Mesîh Îsa, tevî min zehmetê bikişîne!

⁴Kesên leşkeriyê dike, têkiliya xwe bi karên rojane re nîne; bona xoşnûd kirina yê ku wî bangî leşkeriyê kiriye dixebite.

⁵Û ger kesek jî beşdariya pêşbaziya sporê dibe, ger li gor qaîdeyan pêşbaziyê neke, nikare taca serfiraziyê li xwe ke.

⁶Cotkarê ku kedê dide, divê bibe kesê yekemîn yê parê ji zadê ve bistîne.

⁷Gotinên min baş bifikire û dê Xudan[1]di her babetê de fêhmkariyê bide te!

⁸Îsa Mesîhê ku, li gor Mizgîniya min, ji nîjada Dawid e û ji mirinê ve vejiyaye di bîra xwe de bîne;

⁹heta mîna sûckirekî li qeyd û zincîran xistinê, ez di oxra wê de zehmetê dikişînim; lê belê gotina Xwedê ne girêdayiye!

¹⁰Ji ber vê yekê, bona yên hatine hilbijartin ez baldirêjiyê[1]li her tiştî dikim; da ku, bila ew jî bi bilindahiya abadîn, bigihêjin xelasiya di Îsa Mesîh de ye.

¹¹Ev gotina dilsoz e: Ger em bi wî re miribin, em ê bi wî re jî bijîn;

¹²ger em li ber xwe bidin, em ê bi wî re jî serweriyê bajon; ger em wî înkar bikin, ew ê jî me înkar bike;

¹³ger em dilsoz nemînin, ew ê dilsoz bimîne; ji ber ku ew nikare xwe bi xwe înkar bike[1].

¹⁴Di hizûra Xudan de, nekirina şerê bêje, yên ku dibe sedema têkçûna yên ku dibihîzin û xeynî wê tu qenciya wê nîne li wan temmî bike û van tiştan di bîra wan de bîne.

¹⁵Gotina rastiyê bi rastî bikar bîne û bona ku tu xwe ji Xwedê re wekî karkerekî meqbûl û rû sipî pêşkêş bikî, xîretê bike.

¹⁶Lê belê ji gotinên mindar û vala ve bireve; ji ber ku yên bi vana bikevin, dê di bêxwedêbûnê de hîn jî pêş ve biçin

¹⁷û dê gotinên wan mîna lareşê ve belav bibin; Hûmenêyos û Fîlîtos ji vana ne;

¹⁸bi gotina, jixwe qiyamet bûye, di derheqê rastiyê de çewt bûn û baweriya hinekan bi serûbinî dikin.

¹⁹Lê belê bingeha zexm ya Xwedê avêtiye, bi gotinên: Xudan yên aidê xwe ne nas dike[1]û: Heçî kesên ku navê Mesîh bang dikin[2], bila dûrî xerabiyê bisekinin! hatiye mor kirin û disekine.

²⁰Û di malekî mezin de tenê ne feraxên zêr û zîv, lê belê feraxên darinî û axînî jî hene û hinekan bona karên birûmet û hinekan bona karên bêrêz tên şuxulandin.

²¹Niha ger kesek xwe ji van tiştan safî bike, dê bibe feraxek li gor armancên birûmet hatiye pîroz kirin, ji efendiyê xwe re bi fêde û amadeyî her karê qenc e.

²²Lê belê ji azweriyên ciwanî ve bireve û tevî kesên bi dilên paqij ve bangî Xudan dikin, li pey dadmendî, bawerî, hezkirin û dilxweşiyê ve baz bide!

²³Lê belê ketina guftegoyên bêaqil û nezanî red bike; tu dizane ku vana şer derdixin.

²⁴Û ji qûlê Xudan re şer ne hewce ye; lê belê divê li dijî herkesî rûnerm û bona hînkirinê amadekar, tehemûlkar;

²⁵yên li dijî disekinin bi nermî bîne rê be; bona ku rastiyê fêhm bikin, dibe ku Xwedê tobê bide wan[1]û

²⁶ew ji kemîna Îblîsê bona xwestinên wî bînin cîh wan bindest kiriye, dê hişyar bibin.