Read PEYMANA NÛ 2017 (ÎNCÎL) 2. Tîmotêyos 3 Bible Online

2. Tîmotêyos 3 - PEYMANA NÛ 2017 (ÎNCÎL) bible

2. Tîmotêyos 3

¹Vêya bizanibe ku, dê di rojên dawîn de demên dijwar çê bibin.

²Ji ber ku dê mirov, hezkirê xwe, zebûnê pera[1], pesnvedar, qurre, kufirbaz, ji dayik û bavan re bêîtaet, nankor, mindar,

³bê şewqat[1], lihevneker, îftiraker[2], binketê nefsa xwe, har, neyarê qenciyê,

⁴xayîn, bi inyad[1], ji xwe razî, ji Xwedê zêdetir ji kêfê hezkir,

⁵yên sûretê teqwayê nîşan bidin û hêza wî înkar bikin bibin. Ji kesên ûsa ve dûr bimîne!

⁶Ji ber ku yên dikevin hundirê xaniyan, bi tewr û tewr azweriyên bi gunehan tijî ve diçin,

⁷yên her dem hîn dibin; lê belê tu carî nagihêjin zanîna rastiyê, yên ku pîrekên bê xem[1]êsîr dikin, ji vana ne.

⁸Yanîs û Yambrîs çawa li dijî Mûsa sekinîbin, vana jî bi vî awayî li dijî rastiyê disekinin. Vana mirovên ramanên wan xerabûyî û di babeta baweriyê de hatine red kirin in.

⁹Lê belê dê nikaribin hîn jî pêş ve herin; ji ber ku wekî di mînaka wan de dê bêaqiliya vana jî her kes bibîne.

¹⁰Lê belê te, hînkariya min, têkiliyên min, armanca min, baweriya min, sebra min, hezkirina min, hêza minî berxwedanê,

¹¹zilm û êşên min kişandiye, mîna ku tiştên li Antaqyayê, li Qonya û Lîstrayê hate serê min, ji nêzîk ve temaşe kir. Min ji çi zilman re baldirêjî kir û Xudan min ji hemûyan xelas kir!

¹²Û hemûyên ku aidî Mesîh Îsa ne û dixwazin jiyanek li gor teqwayê[1]bajon, dê zilmê bibînin.

¹³Lê belê kesên xerab û sextekar, bi xapînokî û xapandinê ve dê hîn jî pêş ve biçin[1].

¹⁴Lê belê tu bi zanîna ku ji kî ve hîn bûyînê; di tiştên ku tu hîn bûyî û bawerî pê anîne de bisekine;

¹⁵ji ber ku tu ji zarokantiya xwe ve bi nivîsên pîroz, ên ku dikarin bi navdîtiya baweriya di Mesîh Îsa de yî, bona xelasiyê te zanyar bikin ve dizanî.

¹⁶Hemiya Nivîsên Pîroz peyxama Xwedê ne û ji aliyê hînkirin, nîşandayîna çewtiyê, sererastkirin û di rêya rastiyê de perwerdekirinê qenc in;

¹⁷da ku, zilamê Xwedê bona her karê qenc hatiye xemilandin bûnê ve rayedar bibe.