Read PEYMANA NÛ 2017 (ÎNCÎL) 2. Tîmotêyos 4 Bible Online

2. Tîmotêyos 4 - PEYMANA NÛ 2017 (ÎNCÎL) bible

2. Tîmotêyos 4

¹Di hizûra Xwedê û Mesîh Îsa, yê ku zindî û miriyan daraz bike de, bona heqê hatin û serweriya wî emir didim te:

²Kelamê[1]waz bide; di wext û bêwextiyê de vî karî bidomîne; bi hemûya tehemûl û perwerdeyê hişyar bike, biazirîne û teşwîq bike!

³Ji ber, dê demek ûsa bê ku, dê ew xwe nesipêrin hînkariyek zexm; lê belê bona ku gotinên guhê wan difirkînin[1]guhdarî bikin, dê mamosteyên li gor azweriyên xwe li dora xwe bicivînin

⁴û dê guhên xwe ji rastiyê ve bizivirînin û berbi çîrokan ve çewt bibin.

⁵Lê belê tu di her tiştî de hişyar be, zehmetê bikişîne, karê waz kirina Mizgîniyê bike, xizmeta xwe bibe serî!

⁶Ji ber ku ez jixwe tême qurban kirinê[1]û dema cuda bûna min hatiye.

⁷Min têkoşîna qenc kir, bazdanê qedand û baweriyê parast;

⁸ji niha pê ve taca rastiyê bona min amade disekine; Xudanê ku darazkerê dad e, dê wê rojê, wê bide min û ne tenê min, lê belê dê bide hemûyên ku ji hatina wî hezdikin jî.

⁹Bona zû hatina cem min, xîret bike!

¹⁰Ji ber, bona ku Dîmas ji vê dinê hez kir, dev ji min berda û çû Selanîkê; Kîreskîs çû Galatyayê, Tîtûs jî çû Dalmaçyayê.

¹¹Li cem min tenê Lûqa heye. Marqos jî bigre û bi xwe re bîne; ji ber ku ew bona xizmetê, ji min re zehf bifêde ye.

¹²Lê belê min Tîhîkûs şand Efesê.

¹³Dema tu hat eba min, pirtûkan û bi taybetî jî postên nîvîsan yên min li Troasê daniye cem Karpûs bi xwe re bîne.

¹⁴Îskenderê sifirvan[1]gellek xerabiyan li min kir; dê Xudan bersiva kirinên wî bide wî!

¹⁵Tu jî xwe ji wî biparêze; ji ber ku bi dijwarî li dijî gotinên me rabû.

¹⁶Di parastina minî pêşîn de, kesekî li aliyê min derneket, hemûyan min berdan[1]; bila hesabê vêya ji wan ve nê pirsîn.

¹⁷Lê belê bona ku gotina waz kirinê bi navgîniya min ve bêkêmasî bê daxuyanî kirin û bona hemû neteweyan vêya bibihîzin, Xudan li cem min sekinî û min xurt kir û ez bi vî awayî ji devê şêr ve xelas bûm!

¹⁸Dê Xudan min ji her xerabiyê ve xelas bike û dê bona serweriya xwe yî ya ezmanî min xelas bike. Bila bi abadîna abadînan ve ji wî re bilindî be! Amîn.

¹⁹Silavê ji Prîska û Akvîla û ji maliyên Onesîforos re bibêje.

²⁰Êrastûs li Korîntê ma; lê belê min Trofîmos li Mîletê nexweş hişt.

²¹Berî ku zivistan bê, bona hatina xwe xîret bike! Êybûlos û Pûdens û Lînos û Klawdiya û hemû birayan ji te re silav dikin.

²²Bila Xudan Îsa Mesîh bi ruhê te re be! Bila xêr[1]bi we re be! Amîn.