Read PEYMANA NÛ 2017 (ÎNCÎL) Tîtûs 1 Bible Online

Tîtûs 1 - PEYMANA NÛ 2017 (ÎNCÎL) bible

Tîtûs 1

¹Pawlosê qûlê Xwedê û şagirtê Îsa Mesîh, bona baweriya bijartiyên Xwedê û bona zanyariya rasteqîn, ya li gor rêya Xwedê ye[1],

²li gor hêviya jiyana bêdawî, ya ku ji berê ve Xwedayê ku derew nabêje wad kiriye,

³lê belê di dema li cîh de, wî gotina xwe ya di waz kirinê de daye xuyakirin, ya ku li gor emrê Xelaskerê me Xwedê ji min re hatiye emanet kirin,

⁴ji Tîtûsê ku li gor baweriya me yî hevpar, lawê minî rasteqîn e re: Bila ji Bavo Xwedê û ji Xelaskerê me Mesîh Îsa ve xêr, dilovanî û xweşî (bi te re) be!

⁵Bona tu karên paş ve maye têxe rêzekê û mîna min emir dabû te ku li her bajarî tu kalepîran wezîfedar bikî, min ji bo vê te li Kirêtayê[1]hişt.

⁶Ger yek bêsûc, zilamê pîrekek tenê be û zarokên wî yî baweriyê anîne û di derheqê wan de, ji ber bêedebî û bêrêziyê[1]gilî nehatine kirin, hebe, wî wezîfedar bike.

⁷Ji ber ku ger çavdêr[1], keyayê mala Xwedê be, divê aliyekî wî yî rexneyî tune be; ne yekî ser hişk, zû hêrs dibe, zebûnê xemrê, zordest û li pey qezenca neheq ve direve be;

⁸lê belê divê yekî mêvanperwer, qencî hezkir, bi rastdîtin, dadmend[1], pîroz, saf û bikaribe xwe qontrol bike be;

⁹divê li gor perwerde kirinê, bibe yê ku bi zexmî, bi gotina dilsoz ve digire, da ku, bila di perwerdeya zexm de bikaribe teşwîqê bike û bikaribe dengê yên ku li dijî dibêjinê bibire.

¹⁰Ji ber ku pirr kesên asê, devtejî û xapînokî hene; bi taybetî alîgirtên sunetê ji vana ne.

¹¹Divê mirov devê wan bigire; ji ber ku ew li oxira qezenca neheq, ya divê neyê hînkirin, hîn dikin û hemû malbatan xera dikin.

¹²Yekî ji wan, yekî ji peyxamberên wan gotiye: Kirêtayiyan her tim derewçîn, cenawirên har û teralên têrnexwur in!

¹³Ev şahdeyiya rast e; bi vê sedemê bona guh nedin efsaneyên Cihûdan û emirên yên ku ji rastiyê ve derketine,

¹⁴bona di baweriyê de zexm bibin, wan bi şiklekî dijwar îkaz bike.

¹⁵Bona kesên ku paqij in, her tişt paqij e, lê belê bona yên mindar û bêbaweran tu tişt ne paqij e; lê him hişê wan, him jî ûcdanên wan gemarî bûne.

¹⁶Bi Xwedê naskirina xwe mukir tên, lê belê bi karên xwe ve wî înkar dikin; ew mekrûh û bêîtaet in û ji bona her karê qenc bêkêr in.