Read PEYMANA NÛ 2017 (ÎNCÎL) Tîtûs 2 Bible Online

Tîtûs 2 - PEYMANA NÛ 2017 (ÎNCÎL) bible

Tîtûs 2

¹Lê belê tu tiştên ku li gor hînkariya zexm e, bide hînkirin:

²Bila zilamên kalepîr di têkiliyên xwe de giran, bipîvanî, bi rastdîtin û di bawerî û hezkirin û sebrê de zexm bin.

³Mîna vêya, divê jinên pîr di kirinên xwe de ne îftirakir û ne dîlê xemrê pirr bin; lê bila bibin mamosteyên birêz, yên qenciyê;

⁴da ku, bona ji gotina Xwedê re neyê kufir kirin, bila pîrekên ciwan, bi awayekî, ji zarokên xwe hez bikin û ji mêrê xwe hez bikin

⁵û bi rastdîtin bin, dil pak, di malên xwe de bixebat bin û bengî zilamê xwe bibin, perwerde bikin.

⁶Mîna vêya, zilamên ciwan jî bi rastdîtinê ve bi hewes bike.

⁷Bi kirina ya qenc, di her babetê de ji wan re bibe mînak.

⁸Di hînkariya xwe de giran û durust be, gotinên rast, yên ku kes li hember nesekine bibêje ku, bila yên dijraberiyê li me dikin, gotinekî tahl di derheqê me de bibêje nebînin û bişermin.

⁹Dîlan, bona ku di her babetê de bengî efendiyên xwe bibin, bi hewes bike; bila bengî efendiyên xwe bibin; bêyî dana bersivek ne li cîh

¹⁰û bêyî kirina diziyê, ewledarbûna xwe bitûmî bidin xuya kirin; da ku, bila hînkariya di derheqê Xwedayê ku Xelaskarê me ye de ji her alî ve birûmet[1]bikin.

¹¹Ji ber ku xêra Xwedê, ji bo hemû mirovan xelasiyê anînê ve, derketiye holê;

¹²ew hînî me dike ku, divê em bêxwedê bûnê û azweriyên dinê red bikin,

¹³bi benda derketina holê û rastbûna hêviya pîroz ya bilindahiya Xwedayê bilind û Xelaskerê me Îsa Mesîh, mayînê, em di dinya niha de, li gor temkîn[1]û bawerî û teqwayê[2]bijîn;

¹⁴wî, xwe di oxra me de radest kir[1], da ku, me ji her fesadiyê ve xelas bike, safî bike û netewa xas ya ku bona karên qenc bi xîret e, bona xwe paqij bike.

¹⁵Vana bi rayedariyek tam ve bighîne û guhdaran bi xwestek û qanih bike. Bila tu kes te biçûk nebînin[1]!