Read PEYMANA NÛ 2017 (ÎNCÎL) Tîtûs 3 Bible Online

Tîtûs 3 - PEYMANA NÛ 2017 (ÎNCÎL) bible

Tîtûs 3

¹Bîne bîra wan ku bila bengî rêvebiran û dageriyan bibin, îtaetkar bin û bona kirina her tiştên qenc divê amade bin;

²bila ji kesekî re kufr mekin, ne şerger bin, lê bila serînerm bin; bila bi hemû mirovan ve têkiliyên xwe ji her alî ve bi nermî deynin.

³Ji ber ku demekê em jî kesên fêhm nekir, bêîtaet, xapînokî, dîlên azwerî û zewqên tewr bi tewr, yên di nava xerabî û çavnebariyê de dijiyan, yên ji wan dikerihîn û yên ji hev û din dikerihîn bûn.

⁴Lê belê gava qencî û hezkirina Xelaskerê me Xwedê, ya ku ji bo mirovan e, xuya kir;

⁵ne bi karên ku me bi rastiyê ve kirine, lê bi dilovaniya xwe, bi şuştina ji nû ve welidandinê ve

⁶û bi nû kirina Ruhê Pîroz ya bi navgîniya Xelaskerê me Îsa Mesîh ve pirr û pirr bi ser me ve rijand, me xelas kir;

⁷da ku, em bi xêra wî bi safkirinê ve li gor hêviya jiyana bêdawîn bibin mêrasker.

⁸Ev gotin dilsoz e û bona yên baweriya xwe bi Xwedê ve anîne, bi karên qenc ve mijûlbûnê bifikirin, ez dixwazim ku, tu, di derheqê van tiştan de, bi ewlekarî teyît bike[1]. Vana, ji mirovan re, qenc û bifêde ne.

⁹Lê belê xwe ji gengeşiyên bêaqilî û li ber hev dana darê nîjadê û ji şer û keftûleftên di derheqê zagonê de ne, biparêze; ji ber ku ew tiştên bêfêde û vala ne.

¹⁰Paşî îkaz kirina yekemîn û duwemîn, têkiliyên xwe ji kesê partîvan[1]ve bibire.

¹¹Tuyê bizanibe ku, kesekî wusa, ji rê ve derketiye û xwe bi xwe mehkûm kirinê ve gunehan dike.

¹²Dema min Artemas, an jî Tîhîkûs ji te re şand neşand, xîret bike ku tu were cem min Nîkopolîsê; ji ber, min qirar da ku ez ê zivistanê li wir derbas bikim.

¹³Dema tu, zagonzan[1]Zênas û Apollos bi rê ve bikî, bala xwe bide ku bila tu kêmasiyên wan tune bin!

¹⁴Û bila yên me jî hînî xwe dana karên qenc ve bibin; bi vî awayî dê motajiyên bingehîn bi dest ve bixin û dê jiyanek bê mêw nedomînin!

¹⁵Hemûyên ku li cem min in, silavê li te dikin! Silavê ji yên di baweriyê de ji me hez dikin re bibêje! Bila xêr[1]bi we hemûyan re be! Amîn.