Read PEYMANA NÛ 2017 (ÎNCÎL) Îbraniyan 1 Bible Online

Îbraniyan 1 - PEYMANA NÛ 2017 (ÎNCÎL) bible

Îbraniyan 1

¹Xwedê di demên kevin de bi navgîniya peyxamberan, gellek caran ji bavan re axifî,

²di dawiya van rojan de jî bi navgîniya Lawê xwe yê ku bi navdîtiya wî aleman afirandiye û kiriye mêraskerê her tiştî ji me re axifî;

³ew, şewla bilindahiya wî û xuyakirina rasteqîn ya gewhera wî ye û bi gotina xwe yî bi qudret, her tiştî hildigire[1]; paşî ku ji gunehan ve safîbûnê pêk anî, di bilindahiyan de li aliyê rastê yê Mezinahiyê rûnişt.

⁴Û ji milyaketan her çiqas bû mêraskerê navekî çêtir, ji wan ewqasî derece hîn jî çêtir bû.

⁵Ji ber ku wî ji kîjan milyaketê re kengî gotiye: Tu Lawê min î, îro ez ji te re bûme Bav[1]? Û dîsa: Ez ê ji wî re bibim Bav û ew ê jî ji min re bibe Law[2]?

⁶Û dema ew yê pêşiyê bûyiye dîsa dişîne dinê, dibêje: Bila hemû milyaketên Xwedê ji wî re peristinê bikin!

⁷Û di derheqê milyaketan de dibêje: Milyaketên xwe dê bike ba û xizmetkarên xwe bike pêtên agir[1].

⁸Lê belê di derheqê Law de dibêje: Ya Xwedê, texta te heta bêdawîbûnê dê bimîne û gopala[1]dadî, gopala serweriya te ye.

⁹Te ji rastiyê hez kir û ji xerabiyê kerihî; bona vêya Xwedê, Xwedayê te, te bi rûnê dilxweşiyê ve, ji hevalên te zêdetir mesh kir[1]!

¹⁰Û: Ya Xudan, di destpêkê de, te bingeha erdê avêt; ezman jî karên destên te ne.

¹¹Dê ew ê tune bibin, lê belê tuyê bimînî[1]û dê hemû mîna kincekî kevin bibin.

¹²Tuyê wan mîna xeftanekî bade[1]û dê ew mîna kincekî bên guherandin; lê belê tu her tim wek xwe yî û dê salên te neqedin[2].

¹³Lê belê ma wî ji kîjan milyaketê re kengî gotiye: Heta ku ez neyarên te ji lingên te re pêlik deynim, li rastê min rûne[1]?

¹⁴Ma ew[1]hemû ne ruhên xizmetkar, yên bona ji kesên ku dê xelasiyê mêras bigirin re xizmetê bikin, hatine şandin in?