Read PEYMANA NÛ 2017 (ÎNCÎL) Îbraniyan 2 Bible Online

Îbraniyan 2 - PEYMANA NÛ 2017 (ÎNCÎL) bible

Îbraniyan 2

¹Ji ber vê yekê, bona ku bi herkê ve nekevin û neyên xiriqandin, divê em hê jî zêdetir bala xwe bidin tiştên ku me bihîstine.

²Ji ber ku ger gotina bi navgîniya milyaketan ve hatiye têgihandin pêdandî bû be û ger her sûc û her bêîtaetî bersiva ku heq kiriye girtibe,

³ger em dilxavî ya xelasiyek ûsa mezin bikin, ma em ê çawa birevin? Ev xelasiya, di destpêkê de bi navgîniya Xudan ve hate gotin, ji aliyê kesên ku bihîstine ve ji me re hate tesdîq[1]kirin;

⁴Xwedê jî bi nîşanan, bi mûcîzetên tewr bi tewr, bi nuwazeyan û bi xelatên Ruhê Pîroz li gor xwestina xwe tevî wan şahdeyiyê kir.

⁵Ji ber ku wî, alemê ku em di derheqê wê de dibêjin, ya ku dê were bengî milyaketan nekir.

⁶Lê belê yekî li derekê, şahdeyiyê kir û got: Mirov çî ye ku, tu wî di bîra xwe de bîne, an jî lawê mirov çî ye ku, tu li wî bigere?

⁷Te wî ji milyaketan ve hinek nizm kir; te taca bilindahî û rûmetê li wî kir û li ser berhemên destên xwe te wî wezîfedar kir.

⁸Te hemû tiştan bengî bin lingên wî kir[1]. Ji ber ku hemû tiştan ji wî re bi bengî kirinê ve, tu tiştekî nehatiye bengî wî kirin nehişt. Lê belê, niha, em hîn nabînin ku hemû tiştan ji wî re hatine bengî kirin.

⁹Lê belê em Îsayê ku hinekî ji milyaketan ve nizmtir hatiye danîn, yê bi xêra Xwedê, ji bona her kesî mirinê tahm bike di dawiya êşa mirinê, ya ku kişandiye de, bi şiklê taca bilindahî û rûmetê lê kirine dibînin.

¹⁰Ji ber, dema ku gellek lawan digehîştand bilindahiyê, gîhandina serokê wanî ji êşan rayedariyê, li gor wî dibû ku her tişt bona wî û bi navgîniya wî hene.

¹¹Ji ber ku yê pîroz dike û yên tên pîroz kirin, hemû ji yekî ne; ji ber vêya ye ku, ew dema ji wan re bira dibêje, fedî nake, lê dibêje:

¹²Ez ê navê te ji birayên xwe re bêjim, di nava Civakê de, ez ê bi qesîdeyan ve pesnê te bidim[1]!

¹³Û dîsa: Ez ê bi wî bawer bibim. Û dîsa: A vay, ez û zarokên ku Xwedê dane min[1].

¹⁴Ji ber ku zarok ji goşt û xwînê ve pardar in, ew jî bi eynî şiklî ji van tiştan re bû pardar, da ku, yê xwediyê hêza mirinê bû, yanê, Îblîs, bi navgîniya mirinê ve betal[1]bihêle

¹⁵û hemû kesên di hemûya dema jiyana xwe de ji berya tirsa mirinê bûne dîl, azad kir.

¹⁶Ji ber ku ew alîkariyê ne ji milyaketan re, lê belê ji yên ji nîjada Birahîm ve tên re dike.

¹⁷Ji ber vêya ji her alî ve divê mîna birayên xwe biba; da ku, bila di xizmeta xwe yî ji Xwedê re de bibe Serokkahînekî dilovan û dilsoz û bikaribe ji gunehên gel re kefaretê bike.

¹⁸Ji ber ku bona ew hat ceribandin û êşê kişand, dikare alîkariyê li yên tên ceribandin re bike.