Read PEYMANA NÛ 2017 (ÎNCÎL) Îbraniyan 3 Bible Online

Îbraniyan 3 - PEYMANA NÛ 2017 (ÎNCÎL) bible

Îbraniyan 3

¹Bona vêya, ya birayên pîroz, yê ku şirîkê banga ezmanî ne, çawa ku Mûsa di hemûya mala wî de dilsoz bû,

²li Îsayê Serokkahîn û Şagirtê mukuriya[1]me, yê ku ji yê wî bi wezîfedar kiriye re dilsoz e, binihêrin.

³Ji ber, mîna ku yê xanî çêkiriye, ji malê ve zêdetir birêziyê dîtiye, ew jî, ji Mûsa zêdetir liyaqî bilindahiyek mezintir hatiye hesibandin.

⁴Ji ber ku her xanî ji aliyê çêkirekî ve tê çêkirin, lê belê di rastiyê de çêkirê her tiştî Xwedê ye.

⁵Mûsa bona ku şahdeyiyê li gotinên di demên were de bê gotin bike, di hemû mala wî de mîna xizmetkarekî dilsoz bû;

⁶lê belê Mesîh, li ser mala wî mîna lawekî dilsoz bû; ger em cesaret û hêviya ku em bi wê pesnên xwe didin heta dawiyê bê sistkirin bidomînin, mala wî em in.

⁷Ji ber vê yekê, mîna ku Ruhê Pîroz dibêje: Ger îro hûn dengê wî bibihîzin,

⁸li çolê, mîna di roja ceribandinê de, di hêrsê de be, dilên xwe tund mekin[1].

⁹Li wê derê kalikên we min bi hêçandinê ve ceribandin û çel salî karên min dîtin.

¹⁰Bo vê sedemê ez ji wê nifşeyê xeyidîm û gotim: Dilê wan tim ji rê ve çewt dibe, rêyên min jî hîn nebûn.

¹¹Mîna ku di hêrsa xwe de sond xwarim, dê tu carî nekevin warê minî rehetiyê[1]!

¹²Ya birano, bala xwe bidin, bila di we tu kesî de dilxerabiya bêbaweriyê ya ji Xwedê ve dûr dikeve tune be!

¹³Lê belê: Her ku, roj îroj e, hev û din her roj teşwîq bikin; da ku, bila tu kes ji we bi xapînokiya gunehan ve tund[1]nebe!

¹⁴Ji ber ku ger em ewlebûna xwe yî di destpêkê de sist nekin û heta dawiyê bidomînin, wekî em bibin şirîkê Mesîh dibe[1];

¹⁵heta ku tê gotin: Ger îro hûn dengê wî bibihîzin, mîna di hêrsê de bû, dilê xwe tund mekin[1].

¹⁶Ji ber ku gava bihîstin, yên hêrs bûbûn kî bûn? Ma ne hemûyên di serokantiya Mûsa de ji Misirê derketine bûn?

¹⁷Û ma ew çel salî ji kîjanan re xeyidî? Ma ne ji yên gunehan kirine û cesedên wan li çolê ve hatine raxistinan re?

¹⁸Û xeynî bêîtaetkeran[1], di derheqê kê de sondê xwar ku ew ê nekevin warê rehetiya wî?

¹⁹Û em dibînin ku, ew ji berya bêbaweriyê neketin wir.