Read PEYMANA NÛ 2017 (ÎNCÎL) Îbraniyan 5 Bible Online

Îbraniyan 5 - PEYMANA NÛ 2017 (ÎNCÎL) bible

Îbraniyan 5

¹Ji ber ku, ji bona gunehan diyarî û qurbanan pêşkêş bike, her Serokkahîn ji mirovan ve tête stendin û di tiştên aidî Xwedê de bona mirovan tête tayîn kirin.

²Dikare bi nezan û bi yên ji rê ve derketine, bi nermî têkiliyê deyne; ji ber ku ew bi xwe jî bi lawaziyê ve hatiye girtin

³û ji ber vê yekê çawa ku bona gunehên gel, bi qurbandanê ve deyndar e, bona gunehên xwe jî deyndar e.

⁴Û mirov vê rûmetê[1]ne xwe bi xwe ve, lê mîna Harûn, dema ji aliyê Xwedê ve bête bang kirin distîne.

⁵Bi vî awayî, Mesîh jî bona bibe Serokkahîn, xwe bi xwe bilind nekir, lê belê kesê ku ji wî re got: Tu Lawê min î, îroj ez ji te re bûm Bav, wî bilind kir[1];

⁶çawa ku, di derekê din de jî dibêje: Tu li gor sazûmana Melkîsedek, heta bêdawîbûnê kahîn e[1].

⁷Mesîh di rojên bedena xwe de, ji yê ku di hêza wî ji mirinê ve bikaribe xelas bike de ye bi qêrîn, feryad û hêstirên çavan ve dua û lavayan kirine û ji berya Xwedêtirsîna[1]xwe hate bihîstin

⁸û ew çawa ku Law bû jî, lê ji keserên ku kişandine, hînî îtaetê bû

⁹û gava ew hate rayedar kirin û ji aliyê Xwedê ve li gor sazûmana Melkîsedek, bi Serokkahîntiyê ve hatiye wezîfedar kirin,

¹⁰bona hemû kesên ji wî re îtaet kirine, bûye çavkaniya xelasiya abadîn.

¹¹Di derheqê vê de gellek gotinên me yî em bibêjin hene û ji ber, êdî guhên we di bihîstinê de giran bûne, şîrova wê dijwar e.

¹²Ji ber, çawa hûn deyndar bûn ku heta niha bibûna mamoste, lê dîsa hewceya we heye ku yekî destpêka hêmanên peyxamên Xwedê ji nû ve hînî we bike û hûn ne yên ku motajiya xwarina zexm[1], lê bûne yên ku motajiya wan ji şîr ve heye!

¹³Ji ber, her kesê ku bi şîr ve tê xwedîbûn pitik in û di gotina rastiyê de bê ceribandin in[1].

¹⁴Lê belê xwarina hişk bona gîhaştiyan, yanê, bona kesên sehkirinên wan bi ceribandinan ve bi perwerdebûnê ve hînî veqetandina qenc û xerabiyê bûne ne.