Read PEYMANA NÛ 2017 (ÎNCÎL) Îbraniyan 7 Bible Online

Îbraniyan 7 - PEYMANA NÛ 2017 (ÎNCÎL) bible

Îbraniyan 7

¹Ji ber ku ev Melkîsedek, qiralê Salemê û kahînê Xwedayê bilind bû; ji pêşwaziya Birahîmê ji bindestkirin û xerakirina qiralan ve vedigeriya re derketibû û wî pîroz kiribû

²û yê ku Birahîm jî dehekê her tiştî da wî; li gor wateya navê xwe, pêşiyê: Qiralê dadmendiyê ye, pişt re jî: Qiralê Salemê, yanê: Qiralê xweşiyê[1]ye.

³Ew bê bav, bê dayik, bê nîjad e; di wî de, ne destpêka rojan û ne jî dawiya jiyanê heye; lê belê bi mîna Lawê Xwedê ve kirinê, li ser domahiyê bi kahînbûnê ve bimîne.

⁴Niha li vî zilamî binihêrin; çiqas mezin e bibînin; bapîrê mezin Birahîm jî, ji xenîmetê dehekê daye wî!

⁵Û li gor zagonê, kesên ji nîjada Lêwî bin û wezîfeya kahîntiyê bigirin, ji gel, yanê, ji nîjada Birahîm ve jî bin, emir hate dayîn ku dikarin ji birayên xwe ve dehekê bistînin;

⁶lê belê yê ku nîjada wî ji wan nehatiye hesibandin, ji Birahîm ve dehekê girtiye û ji kesê ku wad jê re bûn re, dua xêrê kiriye[1]!

⁷Û îtiraz lê nayê kirin ku, piroz kirin[1]ji aliyê yê hîn mezin ve ji yê hîn biçûk re tê kirin.

⁸Û li vir, kesên fanî dehekê distînin; lê belê li wir, yekî ku li jîndariya wî şahdeyî tê kirin distîne.

⁹Û dikare bête gotin ku, Lêwiyê dehekê distend jî bi navgîniya Birahîm ve, ji dehan yekî daye;

¹⁰ji ber ku Melkîsedek dema pêşwaziya wî kir, ew hîn di bedena bapîrê xwe de bû.

¹¹Niha ger bi navgîniya kahînê Lêwiyî bikaribana bigîhiştina rayedariyê –ji ber ku gel li binya vê kahîntiyê gîhaşt zagonê– êdî çi hewce hebû ku ne li gor sazûmana Harûn, li gor sazûmana Melkîsedek kahînek din bê?

¹²Ji ber ku, dema kahîntî têguherîn, hewceyî dibe ku zagon jî bê guhertinê.

¹³Ji ber ku yê bi vî awayî di derheqê wî de tê qal kirin, ji eşîrekî din e; ji vê eşîrê tu kes, li pêşkêşiyê xizmetê nekirine.

¹⁴Ji ber, eşkere ye ku, Xudanê me ji Cihûda ve derketiye û Mûsa di derheqê kahînan de ji bo vê eşîra tu tişt negotiye.

¹⁵Dema kahînek dinî mîna Melkîsedek derketiye navendê, vê gotina me êdî hîn jî eşkere ye;

¹⁶ew, ne bi şerta pêşiya zagonê ya li gor bedenê ye, lê belê bi hêza jiyanekî nikare bê tunekirin bûye;

¹⁷ji ber ku, bi gotina: Tu li gor sazûmana Melkîsedek, abadîn kahîn î[1], ew ji wî re şahdeyî dike[2].

¹⁸Ji ber ku emirê berê ji berya lawazbûn û bêfêdebûna xwe derbasnabî hate danîn,

¹⁹–ji ber ku zagonê tu tiştî bi rayedar nekir– û dêvla vêya, hêviyek hîn jî zexm, ya em bi navgîniya wê nêzîkî Xwedê dibin hate dayîn.

²⁰Û herweha ev bê sond nebû

²¹–ji ber ku yên din bê sond bûbûn kahîn, lê belê ev bi sonda yê ji wî re gotiye: Xudan sond xwar û poşman nabe: Tu heta bêdawîbûnê li gor sazûmana Melkîsedek kahîn e, bû–,

²²li gor vêya Îsa bûye kefîlê peymanek hîn jî qenc.

²³Û ew bi hejmarî bûn gellek kahîn, ji ber ku bona mirinê, ji domandinê ve hatin men kirin;

²⁴lê belê ji ber ku ew abadîn mayî ye[1], kahîntiya wî ya nayê guhertin heye.

²⁵Û ji ber vê yekê hêza wî bes e ku yên bi navgîniya wî ve nêzîkî Xwedê dibin, bitûmî xelas bike; ji ber ku bona ji wan re şefaetê bike, her tim dijî.

²⁶Ji ber ku ji me re Serokkahînek ûsa hewce dikir ku, divê pîroz, bêsûc, bêgemar, ji gunehkaran ve veqetiyayî û ji ezmanan ve hîn jî hatiye derxistinî bilindiyan be;

²⁷ew, ne hewce ye ku her roj mîna Serokkahînan pêşiyê bona gunehên xwe, dawiyê jî bona gunehên gel qurbanan pêşkêş bike; ji ber ku gava wî xwe bi xwe pêşkêş kir, vêya di yek carê de ji bo hemû caran kir[1].

²⁸Ji ber ku zagon, mirovên lawaziyên wan hene, bi Serokkahîntiyê ve wezîfedar dike; lê belê gotina sondê, ya li pey zagonê ve hatiye, Lawê heta bêdawîbûnê bêqisûr[1]e, tayîn kiriye.