Read PEYMANA NÛ 2017 (ÎNCÎL) Aqûp 2 Bible Online

Aqûp 2 - PEYMANA NÛ 2017 (ÎNCÎL) bible

Aqûp 2

¹Birayên min, bi yên ku ji Xudanê me yê mezin Îsa Mesîh re bawerî anîne, di nava mirovan de cihêtiyê mekin!

²Ji ber ku ger mirovek di nava kincên qenc de û bi gustîlkên zêr û mirovek di nava kincên gemarî de bê cîhê ku hûn lê dicivin

³û hûn bi têkilî ji mirovên kincê wî qenc re bibêjin: Tu li vir, li cîhê qenc rûne! Û ji yê xizan re jî: Tu li wir bisekine! an jî: Li binya lingên min rûne! bibêjin;

⁴ma hûn ê nebin kesên di nava hev de cihêtiyê kirine û darazkirên nêt xerab?

⁵Guhdarî bikin, ya birayên minî xoşewîst: Ma Xwedê li vê dinê xizanan bona di baweriyê de dewlemend bibin û bibin mêraskerê serweriya wî ya ji hezkirên xwe re wad kiriye, ne bijartî ye?

⁶Lê belê we yê xizan bêrûmet kir. Ma yên mêtîngehiyê li we dikin, ne yên dewlemend in? Û ma yên we berbi dadgehan dibin, ne ew in?

⁷Ma yên ku ji navê bilind yê li ser we re hatiye bang kirin re kufur dikin, ne ew in?

⁸Ger hûn li gor nivîsa ku dibêje: Ji cîranê xwe mîna xwe hez bike[1]! Zagona Qiraletiyê bînin cîh, hûn qenciyê dikin;

⁹lê belê ger hûn di nava mirovan de cihêtiyê bikin, hûn ê guneh bikin; ji aliyê zagonê ve, bi zagonê eciqandina xwe ve hûn ê bisûc bên dîtin.

¹⁰Ji ber kesê ku hemû gotinên Zagonê bîne cîh, lê tenê di nuxtikekê de ji wê derkeve, dê li dijî hemiya Zagonê bi sûç bibe.

¹¹Ji ber, yê ku: Divê tu zinê meke[1]! gotiye; divê tu mekuje! jî gotiye. Niha, ger tu zinê neke, lê belê bikuje, tuyê bibî êrîşkirê zagonê.

¹²Mîna kesên ku dê bi navberiya zagona azadiyê ve bên daraz kirin, bi vî awayî biaxifin û bi vî awayî bikin!

¹³Ji ber ku darazî, li hemberê kesên dilovaniyê xuya nekiriye, bê dilovanî ye; dilovanî li dijî daraziyê serdest tê.

¹⁴Birayên min, ger kesek dema lêkeriyên wî yên qenc tune be, bibêje baweriya min heye, ev ji çi re dibe? Ma baweriyek ûsa dikare wî mirovî xelas bike?

¹⁵Ger dema birayek an jî xwuşkek tazî û bêyî xwarina rojane be,

¹⁶yekî ji we jî ji wan re bibêje: Bi dilxweşiyê biçin, ez dixwazim hûn germ û têr bibin, lê belê ger hûn hewceyiyên bedenê nedin wan, ev ji çi re dibe?

¹⁷Bi vî awayî, bawerî jî, ger xebatên wê tune be, bi tena serê xwe mirî ye.

¹⁸Lê belê dê kesek bibêje ku: Baweriya te heye û kirinên[1]min hene; tu baweriya xwe bêyî kirinan nîşanî min bide û ez ê baweriya xwe bi kirinên xwe nîşanî te bidim!

¹⁹Tu bi yek bûna Xwedê bawer î, tu qenc dikî! Cin jî bawer dikin û dilerizin!

²⁰Lê belê, ya mirovê vala, ma tu bona bêyî lêkeriyê bawerî mirî[1]ye nîşanê dixwazî?

²¹Ma bavê me Birahîm, lawê xwe Îshaq li ser pêşkêşîgehê, bi pêşkêşî kirinê, ji kirinên xwe ve salih nehat hesibandin?

²²Tu dibînî ku, bawerî tevî karên wî dixebitî û bawerî bi kirinan ve çû serî[1].

²³Û bi gotina: Û bawerî bi Xwedê ve anî û jê re pakbûyî[1]hate hesibandin, Nivîsa Pîroz çû serî û jê re; hevalê Xwedê, hate gotin.

²⁴Hûn dibînin ku mirov tenê ne bi baweriyê, bi kirinan salih tête hesibandin.

²⁵Û mîna vê yekê, ma Rehaba fahîşe jî, ji ber ku şandiyan qebûl kir û ji rêyek din şand, bi kirinan ve salih nehat hesibandin?

²⁶Ji ber çawa ku beden, dema ruh tunebe mirî ye, bi vî awayî bawerî jî dema kirin tunebe mirî ye.