Read PEYMANA NÛ 2017 (ÎNCÎL) Aqûp 3 Bible Online

Aqûp 3 - PEYMANA NÛ 2017 (ÎNCÎL) bible

Aqûp 3

¹Birayên min, bi zanîna em ê rastî daraziyek hîn jî mezin werin, bila gellekên we nebin mamoste!

²Ji ber ku em hemû gellek xeta dikin. Ger kesek bi gotinên xwe qet xeta meke, ew mirovek kamil[1]e; bi hemû bedena xwe jî dikare.

³Bona ku ji me re îtaet bikin em hefsaran[1]li devê hespan dixin, bi vî awayî em hemû bedenên wan jî vedigerînin.

⁴A vay, keştî jî ewqas mezin û bi ber bayên bi hêz ve diherikin, lê belê dîsa jî dimenger, dilê wî kîjan alî ve bixwaze bi dimenek biçûk, bi wî alî ve tên vegerandin.

⁵Bi vî awayî, ziman jî endamekî bedenê ya biçûk e û bi karên mezin ve pesnahiya xwe dike. A vay, pizotek biçûk dikare daristanek çiqas mezin biagir bixe!

⁶Û ziman agirek, di nava endamên bedenê me de dinyayek xerabiyê ye; hemûya hebûna me gemarî dike. Bi ji cehenemê agirbûna xwe ve çûna jiyana me biagir dixe.

⁷Ji ber ku her tewr heywanê hov û civîkan, xişok[1]û afirên behrê ji aliyê mirovan ve hatine kedî kirin û tên kedî kirin;

⁸lê belê tu mirov nikare ziman kedî bike; ew, xerabiyek bêsekin û bi jahrekî dikuje ve tijî ye!

⁹Em bi wê ve pesna Xudan û Bav didin û em bi wê ve, ji mirovên di mînakiya Xwedê de hatine afirandin re naletê[1]dikin;

¹⁰pesnahî û kufir ji eynî devî ve derdikevin. Birayên min, divê ev ûsa nebe!

¹¹Ma kaniyek ji eynî çavî ava şêrîn û tahl diherikîne?

¹²Birayên min, ma dara hêjîrê dikare zeytûnê, an jî mêwa tirî dikare hêjîrê bide? Çavkaniya ava bi xwê jî ava şêrîn nade.

¹³Ma di nava we de yê zaniyar û fêhmdar kî ye? Bila bi jiyana xwe yî qenc û bi dilnizmiya ji zaniyariyê ve tê lêkerên xwe yî qenc xuya bike!

¹⁴Lê belê ger di dilê we de çavnebarî û komperestî[1]hebe, pesnê xwe nedin û li dijî rastiyê derewan mekin!

¹⁵Zaniyariyekî ûsa ne ya ji ezmanan ve daketiye, lê belê zaniyariyekî ji dinê, ji ezitiyê û ji cinan ve hatiye yî.

¹⁶Ji ber, li ku derê çavnebarî û xweperestî hebe, li wir tevlihevî û xerabiya her tewrî heye.

¹⁷Lê belê zaniyariya ku ji jor ve daketiye, berî her tiştî pak e, pişt re aştîxwaz, mulayîm, bi dilovanî û mêwên qenc ve tijî ye; bê îltimas û bê durûyitî ye.

¹⁸Û avakirê aşitiyê, yên di dema aşitiyê de diçînin, dexla rastiyê radikin[1].