Read PEYMANA NÛ 2017 (ÎNCÎL) Aqûp 4 Bible Online

Aqûp 4 - PEYMANA NÛ 2017 (ÎNCÎL) bible

Aqûp 4

¹Ma çavkaniya keftûleft û şerê di nava we de ji ku ve tên? Ma ne ji azweriyên we yî di endamên bedenên we de şer dikin in?

²Hûn dixwazin û bi dest naxinin. Hûn dikujin û çavnebaritiyê dikin û nagihêjin xwestekê xwe; keftûleftê dikin û şer dikin; hûn nikarin bi dest bixin, ji ber ku hûn naxwazin.

³Hûn dixwazin û nikarin bistînin; ji ber ku hûn bi armanca xerab, bona di oxra azweriyên xwe de bişuxulînin dixwazin.

⁴Hûn, ya zînakarno, ma hûn nizanin ku hevaltiya bi dinê re ji Xwedê re neyartî ye? Yê bixwaze bi dinê re bibe heval, xwe ji Xwedê re dike neyar.

⁵An jî bi we Nivîsa Pîroz, bi berhewayî dibêje? Ma ruhê ku di hundirê me de disekine, di dereca çavnebartiyê[1]de dixwaze?

⁶Lê belê xêra hîn jî mezin dide. Bo vê yekê ew dibêje: Xwedê li dijî qureyan e, lê belê xêrê ji dilnizman re dike[1].

⁷Niha, bengî Xwedê bibin[1]! Lê belê li dijî Îblîs bisekinin, dê ew ê jî ji we bireve.

⁸Nêzîkî Xwedê bibin û ew ê nêzîkî we bibe! Ya gunehkarno, destên xwe paqij bikin û ya bêqirarno, dilê xwe pak bikin!

⁹Bi keserê kevin û bi şîngirtinê bigirîn; bila kenê we vegere şînê û dilxweşiya we jî vegere keserê!

¹⁰Li berya Xudan xwe nizm bikin, dê ew ê we bilind bike.

¹¹Birayên min, zema hev û din mekin! Kesê zema birayê xwe bike, an jî birayê xwe daraz bike, dibe mîna zagonê zem bike û zagonê daraz bike; lê belê ger tu zagonê daraz bikî, tuyê nebe şuxulkerê zagonê, lê belê tuyê bibî darazkirê wê.

¹²Yê ku zagonê daniye û darazkir e, yek e; yê ku şiyandarê xelaskirinê û helaq kirinê ye, ew e; lê belê tu, yê ku cîranê xwe daraz dike, ma tu dibe kî?

¹³Niha guhdarî bikin, hûn yên dibêjin: Îroj an jî sibê em ê biçin filan bajarî û em ê salekî li wir bimînin û danûstendinê bikin û qezencê bikin;

¹⁴hûn ku, nizanin dê sibê çi bibe. Ma jiyana we çî ye ku? Hûn mîna hilma di demekî kurt de xuya dibe, dawiyê winda dibe ne.

¹⁵Divê dêvla vêya hûn bibêjin: Ger Xudan bixwaze û em bijîn, em ê vana û vana çêkin.

¹⁶Lê belê, niha hûn bi zimandirêjiya xwe ve pesnên xwe didin! Hemû pesnahiyên ûsa xerab in.

¹⁷Niha, kesê ku tiştên qenc yê hewceye bê çêkirin bizanibe û çê neke, ji bo wî guneh e.