Read PEYMANA NÛ 2017 (ÎNCÎL) Aqûp 5 Bible Online

Aqûp 5 - PEYMANA NÛ 2017 (ÎNCÎL) bible

Aqûp 5

¹Niha guhdarî bikin, ya dewlemendno, ji berya felaketên ku dê bên serên we biqêrin û bigirîn!

²Hebûna we[1]riziyaye û kincên we bizûzan xwarine.

³Zêrên we û zîvên we zingar girtine û dê zingara vana li dijî we şahdeyiyê bike, dê goştên we mîna agir bixwe. We di rojên dawîn de xezîne dan hev[1]!

⁴A vay, heqdestê karkerên zadên we çinandine ku we bi neheqî dest dane ser, diqêre û qêrîna oraqvanan gîhaşt guhê Xudanê artêşan!

⁵Hûn li rûyê erdê, di nava zewq û zêdeyiyê de dijiyan; bona roja ku hûn ê bên serjêkirin, we dilên xwe xwedî kirin[1]!

⁶We kesê rast, yê ku li dijberê we ranebûye daraz kirin û kuştin.

⁷Niha, ya birano, heta hatina Xudan sebir bikin! A vay, cotkar heta barana pêşîn û paşîn bigire, ji bo dexla erdê ya hêja bi sebir kirinê ve disekine!

⁸Hûn jî sebir bikin; dilên xwe bi hêz bikin; ji ber ku hatina Xudan nêz e!

⁹Birano, bona ku hûn neyên daraz kirin, li dijî hev û din gotegotê mekin; a vay, Darazker li ber derî disekine!

¹⁰Ya birano, peyxamberên ku bi navê Xudan ve axifîne, di tengasiyê de bi mînakiya sebirkirinê ve ji xwe re bigirin!

¹¹A vay, em ji yên li ber xwe dane re dilxweş dibêjin! We ji di ber xwe dana Eyûb bihîstin û we dîtin ku Xudan di dawiyê de bona wî çi kiriye; Xudan zehf bi dilovan[1]û bişefqet e.

¹²Lê belê berî her tiştî, birayên min, bona ku hûn nekevin bin daraziyê, ne bona mafê ezman ne ya erdê, ne jî bi sondekî din sondê nexwin; lê bila: Erêya we erê û na ya we na be.

¹³Ma yekî ji we di tengasiyê de ye? Bila dua bike. Ma yek dilxweş e? Bila qesîdeyan bibêje!

¹⁴Ma yekî ji we nexweş e? Bila ew kalepîrên Dêrê[1]bide bang kirin û bi navê Xudan rûn li ser wî bikin û bona wî dua bikin

¹⁵û duaya bi baweriyê ve hatiye kirin, dê nexweş xelas bike û dê Xudan wî rake ser pêlan û ger wî gunehan kiribe, dê ji wî re bên efû kirin.

¹⁶Niha, bona ku hûn şîfayê bibînin, gunehên xwe ji hev û din re mukur bên[1]û bona hev û din dua bikin! Lavaya kesê rast, di kirina xwe de zehf bi çalak e.

¹⁷Êlyas jî eynî mirovek mîna me bû û bona ku baran nebare, wî bi xîret ve dua kir û sê sal û şeş mehî baran li rûyê erdê nebarî.

¹⁸Û dîsa dua kir û ezman baranê da û zevî jî dexla xwe da[1].

¹⁹Birayên min, ger ji nava we, yek ji rastiyê ve çewt bibe û ger yek wî vegerîne,

²⁰bila bizanibe ku, yê gunehkar ji çewtiya rêya wî ve vegerandiye, dê ji mirinê ve canekî xelas bike û gellek gunehan binixumîne.