Read PEYMANA NÛ 2017 (ÎNCÎL) 1. Pêtrûs 1 Bible Online

1. Pêtrûs 1 - PEYMANA NÛ 2017 (ÎNCÎL) bible

1. Pêtrûs 1

¹Ji Pêtrûsê şagirtê Îsa Mesîh, li gor pêşîzanîna Bav Xwedê,

²ji yê xerîbên ku bi pîrozkirina Ruh, bona îtaetkirinê û bona reşandina xwîna Îsa Mesîh hatine bijartin û li Pontûsê, Galatyayê, Kapadokyayê, Asya û Bîtînyayê belav bûne re: Bila xêr û xweşî ji we re zêde bibe!

³Bila ji Bav û Xwedayê Xudanê me Îsa Mesîh re pesnahî be ku, wî li gor xêra xwe yî mezin, bi ji mirinê vejandina Îsa Mesîh, me gîhand hêviyekî zindî, narize û bêgemar û naçilmise

⁴û me, ji mêrasekî ku bona me di ezmanan de veşartiye re, dîsa welidandin;

⁵lê hûn jî, bona xelasiyek di dema dawî de bi hêza Xwedê dê bête kişf kirin amade ye, têne parastin.

⁶Bo vê sedemê, niha ger hewce bike ku hûn di nava demekî kurt de, di nava tewr bi tewr ceribandinan de êş û keseran bikişînin jî, hûn bi dilxweşiyê ve bicoş dibin;

⁷da ku, di kişif kirina Îsa Mesîh de, bila ceribandina baweriya we, ya ji zêrê çawa ku fanî[1]ye, bi agir ve tête safî kirin hîn jî bi qîmettir e, ji we re bibe pesnahî, bilindahî û şeref[2].

⁸Çawa ku we wî nedîtine lê dîsa jî hûn jê hez dikin; niha bi nedîtinê, lê belê bi wî bawerî anînê;

⁹bi gîhaştina we ya dawiya baweriya xwe, xelasiya canên xwe, hûn bi kêfxweşiyek mezin ku nayê gotinê[1]gellekî dilşa dibin.

¹⁰Peyxamberên qala xêra ku dê ji we re bê bexşandin kirine, di derheqê vê xelasiyê de, nêrîn û lêkolînên bi balkêşî kirin.

¹¹Dema Ruhê Mesîh yê di wan de ye, ji berê ve, ji keserên Mesîh re û ji bilindahiyên li pey wan e re, şahdeyiyê kir, li ser; ka çi dem e an jî, kîjan demê nîşan dike, lêkolînê kirin.

¹²Ji wan re hate kişf kirin ku, tiştên, niha bi hêza Ruhê Pîrozê ji ezmanan ve hatiye şandin, ji aliyê kesên Mizgîniyê waz dikin ve, ji we re hatin têgîhandin; ne ji xwe re, lê belê ji we re xizmetê dikin; milyaket jî dixwazin li van tiştan binihêrin.

¹³Bo vê sedemê hişê xwe bona lêkeran amade bikin, hişyar bibin; hêviya xwe, bitumî bi xêra ku dê bi xuyaniya Îsa Mesîh ve ji we re bê dayîn ve girê bidin!

¹⁴Hûn mîna zarokên îtaetê, li pey azweriyên xwe yî dema nezaniyê ya derbas bûyî neçin;

¹⁵lê çawa yê ku bangî we kiriye pîroz e, hûn jî di hemû tevgerên xwe de pîroz bin!

¹⁶Ji ber ku hatiye nivîsandin: Pîroz bin, ji ber ku ez pîroz im[1]!

¹⁷Û ger hûn, yê ku tu cihêtiyê ji şexsan re nake û her yekê li gor karên wan darazî dike, bi navê Bavo bang dikin bin, wextê xwe yî xerîbiyê bi tirsê ve derbas bikin.

¹⁸Û hûn dizanin ku, hûn ji jiyana xwe yî vala ya ji bapîrên we ve mayî, ne bi tiştên fanî[1], ne bi zêr, an jî zîv ve hatine kirrîn,

¹⁹lê belê bi fidya biqîmet, bi xwîna Mesîh ya wekî xwîna berxikekî bêqisûr û bêleke ve.

²⁰Ew berî ava kirina dinê hatibû bijartin, lê belê di dawiya deman de, bona qenciya we hate eşkere kirin.

²¹Hûn ku, yên bi navgîniya wî, baweriyê bi Xwedayê ku wî ji mirinê ve vejandiye û bilind kiriye dikin; wusa ku, bila baweriya we û hêviya we di Xwedê de be.

²²Li pey rastiyê çûnê, we xwe safî kirin û bona birayan bûn xwediyê hezkirinekî ji dil; li gor vêya bi dil û can ji hev û din hez bikin;

²³ji ber ku hûn, ji tovekî ne bi mirin, lê belê ji tovekî bê mirin, yanê bi navgîniya gotina Xwedê ya zindî û mayînî ye, ji nû ve welidîn[1].

²⁴Ji ber ku: Hemû afir mîna gîha ne û hemû bilindahiya wê mîna çîçeka gîhayê ye; gîha hişk dibe û çîçeka wê dikeve.

²⁵Lê belê gotina Xudan abadîn disekine[1]. Û gotina ku ji we re hatiye mizgînî kirin ev e.