Read PEYMANA NÛ 2017 (ÎNCÎL) 1. Pêtrûs 5 Bible Online

1. Pêtrûs 5 - PEYMANA NÛ 2017 (ÎNCÎL) bible

1. Pêtrûs 5

¹Niha ji kalepîrên ku di nava we de ne, ez jî mîna wan kalepîr û şahdeyê keserên ku Mesîh kişandine û bi pardarbûna xwe yî bilindahiya ku dê bête kişif kirin ve rica dikim:

²Keriyê Xwedê, yê ku li cem we ye, ne bi mecbûriyetê, lê belê bi xwestekê, ne bo qezenca neheqî,

³lê belê bi xwestekê, ne mîna ku hûn miseletî yên ji we re hatine emanet kirin bibin, lê belê wekî ji keriyê re bibin mînak, bajon[1]!

⁴Û dema ku Serşivan xuyanî bibe, hûn ê taca bilindahiyê ya ku naçilmise bistînin.

⁵Hûn jî ya ciwanîno, bengî kalepîran bin û hûn hemû li hemberî hev û din bi dilnizmiyê ve bixemilin! Ji ber ku: Xwedê li dijî qureyan[1]e, lê belê xêrê ji dilnizman re dike.

⁶Niha, bona ku di demekî li cîh de we bilind bike, xwe li bin destê Xwedayê bi qudret ve nizm bikin!

⁷Hemû xemên xwe bavêjin ser wî[1]; ji ber ku ew ê alîkariyê bi we re bike[2].

⁸Heşar û şiyar bin! Ji ber ku neyarê we Îblîs, bona daqurtîne li yekî digere û mîna şêrekî dugirmije;

⁹bi zanîna li her derê dinê birayên we jî eynî êşê dikişînin, di baweriyê de pêdandî li dijî wî bisekinin[1].

¹⁰Û yê ku di Mesîh de bona bilindahiya xwe yî abadîn bangî we kiriye, Xwedayê hemû xêran, paşî demekê ku hûn keseran bikişînin, dê we rayedar bike, zexm bike, xwurt bike!

¹¹Bila rûmet û qudret, heta bi abadîna abadînan ji wî re be! Amîn.

¹²Min bi navgîniya Sîlvanos yê ku ez wî birayekî dilsoz dihesibînim, bi kurtî ji we re nivîsand; min we teşwîq kir û bi gotina; xêra Xwedê ya rasteqîn ev e; şahdeyiyê kirim, di wê de bisekinin.

¹³Yên ku li Babîlê tevî we hatine bijartin[1]û kurê min Marqos silavan ji we re dikin. Ji hev û din re bi ramûsana hezkirinê ve silav bikin!

¹⁴Bila ji we re, ji hemûyên ku di Mesîh de ne re xweşî[1]bibe! Amîn.