Read PEYMANA NÛ 2017 (ÎNCÎL) 2. Pêtrûs 1 Bible Online

2. Pêtrûs 1 - PEYMANA NÛ 2017 (ÎNCÎL) bible

2. Pêtrûs 1

¹Ji qûl û şagirtê Îsa Mesîh, Şîmûn Pêtrûs ve, ji yên ku bi saya rastiya Xwedê û Xelaskerê me Îsa Mesîh ve baweriyekî biqîmet mîna ya me stendine re:

²Bila di zanîna Xwedê û Xudanê me Îsa de xêr û xweşî ji we re zêde bibe!

³Ji ber, bi navgîniya zanîna yê ku bi bilindahî û xawênî bangî me dike, qudreta wî ya îlahî, hemû tiştên aidî jiyanê û teqwayê daye me;

⁴bona, bi navgîniya vana, wekî hûn ji şehwetê û fesadiya ku li dinê heye xelas bûne bin û bi vî awayî ji xwezaya îlahî re bibin pardar, wadên bi rûmet û zehf mezin ji me re hatiye dayîn.

⁵A vay, ji ber vê yekê, bi nîşandayîna her cûreyên xiretê, xawêniyê tevî baweriya xwe, zanînê tevî xawêniya xwe

⁶û xwekontrolê tevî zanîna xwe û hêza xwe yî li ber xwe danê tevî xwekontrolê û teqwayê tevî hêza xwe yî li ber xwe danê

⁷û birahezkirinê tevî teqwaya xwe û hezkirinê tevî birahezkirina xwe bikin.

⁸Ji ber ku ger van tiştan di we de hebin û zêde bibin, dê ew ê di nas kirina Xudanê me Îsa Mesîh de we bêbandûr û bêber nehêlin.

⁹Ji ber ku yê di wî de van tiştan nîne kor e, dûrê xwe nabîne û ji gunehên xwe yî kevin paqij bûnê ji bîr kiriye.

¹⁰Ji bo vê yekê, ya birano, bi zexmkirina[1]bangbûn û bijartina xwe hîn jî zêde xîretê bikin; ji ber ku ger hûn van tiştan bikin, tu carî tilpekî nabin.

¹¹Ji ber ku, bi vî awayî dê ketina serweriya bêdawî ya Xudanê me û Xelaskerê me Îsa Mesîh, bi comerdî ji we re bê pêyde kirin.

¹²Ji bo vê yekê, her çi qas hûn van tiştan zanîbin û bi rastiya ku hûn lê xwedî ne hatibin zeximandin jî, ez ê bona ku vana bînim bîra we her tim amade bim.

¹³Û heta dema ku ez di vê konê de bim, ez ji we re bîranînê û hîşyar kirinê rast dihesibînim

¹⁴û ez dizanim, mîna ku Xudanê me Îsa Mesîh jî nîşanî min daye, rakirina kona min nêzîk e.

¹⁵Û bona ku, paşî koç kirina min jî, hûn her tim van tiştan di bîra xwe de bînin, ez ê xîretê bikim.

¹⁶Ji ber ku dema me qudret û hatina Xudanê me Îsa Mesîh têgihandin we, em li pey çîrokên derewîn ve neçûn; lê belê me rewnaqiya wî bi çavên xwe ve dîtin.

¹⁷Ji ber ku gava wî, ji Yê Bilind û bi rewnaq e, bi dengê: Lawê minî xoşewîst ev e; ez ji wî xoşnûd im! dibêje, ji Bavo Xwedê ve bilindahî û rûmetê girt.

¹⁸Û gava em li çiyayê pîroz bi wî re bûn, vî dengê ji ezman ve hate, me bi xwe bihîstin.

¹⁹Û bi vî awayî, gotinên peyxamberan, bona me hîn jî biryariya mezin qezenc kirin; heta ku roj dest pê bike[1]û stêrka sibehê di dilê we de hilhatibe[2], hûn bala xwe bidin van gotinên ku di cîhê tarî de mîna çireya ronahî dide ne, hûn ê qenc bikin.

²⁰Pêşiyê vêya bizanibin ku, qet gotinek peyxambertiyê yên di Nivîsên Pîroz de ne, ne şîroveya kesekî ne.

²¹Ji ber ku peyxambertî, tu carî bi viyana[1]mirovan ve nehatiye; lê belê mirovên Xwedê yên pîroz, ji aliyê Ruhê Pîroz ve hatin birêvebirin û gotin[2].