Read PEYMANA NÛ 2017 (ÎNCÎL) 2. Pêtrûs 2 Bible Online

2. Pêtrûs 2 - PEYMANA NÛ 2017 (ÎNCÎL) bible

2. Pêtrûs 2

¹Lê belê çawa ku di nava gel[1]de peyxamberên sexte hebûn; dê di nava we de jî hînkirên sexte hebin; dê vana, Xudanê ku wan stendiye[2]jî înkar bikin û bi dizîka hînkariyên xerakirinê têxin nav we; dê yên ûsa têkçûnek nişka ve bînin serê xwe.

²Û dê gellekan li pey sefahata wan herin; ji ber wana ji rêya rastiyê re xeber bête dayîn.

³Û ji berya çavbirçîtiyên xwe, bi gotinên bêbinî dê keda we bixwin; lê belê daraziya ku ji zû ve bona wan hatiye dayîn dereng namîne û têkçûna ku li benda wan e jî bi xewê ve naçe.

⁴Ji ber ku ger Xwedê, milyaketên ku gunehan kirine neparast; lê belê wan avêt cehenemê û di tariyê de li zincîran xist; heta dema ku bên daraz kirin, dê li wir bên girtin.

⁵Û ger wî dinya kevnar neparast, lê belê dema tofanê şand ser dinya bêxwedêyan, waizê pak bûnê[1]Nûh, her çiqas heft kesên din parastibe jî

⁶û bajarên Sodom û Gomora, bi xerakirin û şewitandinê ve daraz kir; bi vî awayî, mînakek li ser tiştên bê serê bêxwedêyan da

⁷û wî, Lûtê salih, yê ji sefahata sereta nenasan ve ezab dikişand xelas kir;

⁸ji ber ku ew ê salih, dema di nav wan de rûdinişt, bi dîtin û bihîstinan, bi karên wanî neheq roj bi roj tade li canê xwe yî salih dikir[1].

⁹Xudan dizane, yên di rêya wî de dimeşin[1]dê çawa ji ceribandinan xelas bike û neheqiyan û bi taybetî jî yên di mindariya şehwetê de li pey bedenê ve diçin û rayedariyê biçûk dibînin,

¹⁰dê çawa roja daraziyê di bin biceza kirinê de bigire. Ev kesên kanc û serhişk, ji kufirkirina afirên bilind ve natirsin;

¹¹ya rastî heta milyaketan jî, li gor ji wan di hêz û qudretê de xurttir in jî, lê li ber Xudan li dijî vana bi kufirdanê ve daraziyê naynin.

¹²Lê belê ew, mîna di xwezayi[1]de heywanên ku bona bêne girtin û bêne telef kirin zayîne, mîna afirên bêferaset, di tiştên ku cahilê wê ne de, bi kufir kirinê ve,

¹³wekî mişeya neheqiyê be neheqiyê kişandinê û bi rojê kêf kirinê mîna zewqê dihesibînin; leke û şerm in; dema bi we re bixwin û vexwin, bi fenên xwe ve kêf dikin;

¹⁴çavên wanî bi zînayê ve tijî û ji gunehkirinê ve şunda namînin hene û canên bêtebat dixapînin; dilên wanî ji temayiyê re hatiye hîn kirin heye û zarokê naletê ne;

¹⁵bi girtina rêya Balamê lawê Beor, rêya rast berdan û çewt bûn; wî, ji mişeya neheqiyê hez kir;

¹⁶lê belê ew ji berya sûcên ku kiriye hate pekandin[1]: Kerê bêdeng, bi dengê mirovan ve got û bû astengê harbûna peyxamber.

¹⁷Ev kesan, mîna kaniyên bê av û mija di ber bahozê de diçin in; tariya reş di abadînê de li benda wan e.

¹⁸Ji ber, ji yên ku di rêya çewt ve hîn nû xelas dibin, bi gotinên qurre û vala ve, bi azweriyên ezitiya xweza û bi şehwetên bedenê ve dixapînin.

¹⁹Azadiyê ji wan re wad dikin, lê belê ew bi xwe dîlên mehfbûnê ne; ji ber ku kesek ji çi re bindest bikeve, dibe dîlê wê.

²⁰Ji ber ger paşî ku bi zanîna Xudan û Xelasker Îsa Mesîh ji mindariyên dinê ve xelas bibin, dîsa bi tevlî wan bûyînê mexlûb bûbin, rewşa wan ya dawîn ji ya rewşa pêşîn ve hîn jî xerabtir bûye.

²¹Ji ber, heta piştî ku rêya rast bizanibin û ji emrê pîroz ya ji wan re hatiye emanet kirin ve vegerin, nezaniya vê rêya, dê bona wan hîn jî qenctir bibûya.

²²Ji wan re li gor metheloka rasteqîn bû: Kûçik dîsa vegeriya verşiya xwe û beraz jî paşî şûştinê ji bo di heriyê de bigemire[1], vegeriya.