Read PEYMANA NÛ 2017 (ÎNCÎL) 2. Pêtrûs 3 Bible Online

2. Pêtrûs 3 - PEYMANA NÛ 2017 (ÎNCÎL) bible

2. Pêtrûs 3

¹Niha, ya xoşewîstno, ez vê nameya duwemîn ji we re dinivîsînim; di her duyan de jî, gotinên ji berê ve ji aliyê peyxamberên pîroz ve hatine gotin û

²bona ku, emirê Xudan û Xelasker, yên ku bi navgîniya şagirtên we ne, di bîra xwe de bînin, ez fikrê we yî saf, bi îkaz kirinê haydar dikim.

³Pêşiyê divê hûn vêya bizanibin ku, dê di rojên dawîn de, kesên qerfok li pey azweriyên xwe ve biçin û:

⁴Wada ku di derheqê hatina wî de ye, li ku derê ye? Ji ber ku ji roja xewa bavan ve[1], her tişt ji destpêka afirandinê ve mîna xwe disekinin, dê bi qerf kirinê ve werin.

⁵Ji ber, ew vêya mexsûs ji bîr dikin ku, ezman ji bastanê ve[1]û erd bi kelama Xwedê ve, ji avê û bi navgîniya avê li ser pêlan, hebûn;

⁶bi navgîniya vana dinya ya wê demê, bi dewisandina avê ve helaq bû;

⁷lê belê ezman û erdê niha, bi eynî kelamê, ji bona agir hatine veşartin û heta roja helaqa kesên bêxwedê, têne parastin.

⁸Lê belê, ya xoşewîstno, vî yek tiştî ji bîr mekin ku, li cem Xudan rojek mîna hezar salî û hezar sal jî mîna rojekê ye!

⁹Mîna ku hin kes dereng mayî dihesibînin, Xudan di derheqê wada xwe de dereng namîne; lê belê bi nexwestina helaqa hinekan, lê bona ku hemû mirov vegerin tobê di derheqê we de sebir dike.

¹⁰Lê belê dê roja Xudan, mîna dizekî were; dê di wê de hemû ezman bi gurmîniyek ji holê ve rabin û hebûnên bûjenî bi şewatê ve tune bibin û erd û hemû karên di wê de ne bişewitin û biqedin.

¹¹Ji ber dê hemî ev tiştan bi vî awayî bihelin, bi bendewariya hatina roja Xwedê û bi gellekî daxwazkirinê, di hemî jiyana pîroz û teqwayê de gelo pêdivî li çi heye ku hûn bibin zilamê wisa?

¹²Dê bi hatina wê rojê ezman bi şewatê ve tune bibin, hebûnên bûjenî jî di agirê dijwar de bihulin!

¹³Lê belê em li gor wada wî li benda ezmanên nû û erdekî nû ne, di wan de dadmendî[1]rûdine.

¹⁴Bona vêya, ya xoşewîstno, madem ku hûn li benda vana ne, xîret bikin ku li ber wî hûn bêleke, bêqisûr û di nava aşitiyê de bin!

¹⁵Û sebra Xudanê me jî xelasiyê bihesibînin; mîna ku birayê me yî xoşewîst Pawlos jî bi zanyariya ku ji wî re hatiye dayîn, ji we re nivîsandiye;

¹⁶herweha ew di hemû nameyên xwe de di derheqê van tiştan de dibêje. Di wan de hinek cîh hene ku, bi zehmet[1]tên fêhm kirin, kesên nezan û bêqirar, mîna nivîsên pîroz yên din, vana jî bona têkçûna xwe werdigerînin.

¹⁷Niha, ya xoşewîstno, bona ku hûn di rêşaşiya kesên fasiq de neherikin û ji biqirarbûna xwe ve venegerin, vana di pêşiyê de bizanibin û xwe biparêzin!

¹⁸Lê di xêra Xudan û Xelaskerê me Îsa Mesîh de û di zanîna wî de mezin bibin[1]! Niha û heta bêdawiyan bila ji wî re bilindahî bibe! Amîn.