Read PEYMANA NÛ 2017 (ÎNCÎL) 1. Yûhena 1 Bible Online

1. Yûhena 1 - PEYMANA NÛ 2017 (ÎNCÎL) bible

1. Yûhena 1

¹Di derheqê Gotina jiyanê de, ya ku di destpêkê de hebû, ya ku me bihîstiye, bi çavên xwe dîtiye, temaşe kiriye û ya ku me destê xwe tê daye, em wê didin bihîstin[1].

²–Û jiyan xuya bû[1]û me wî dît û em şahdeyiyê dikin û em jiyana bêdawî ya ku bi Bav re bû û xwe xuyayî me daye, wê ji we re têdighînin–;

³belê, tiştê ku me dîtine û bihîstine ji we re jî îlan dikin; da ku, paydariya we jî tevî me hebe; paydariya me jî tevî Bav û tevî Lawê wî Îsa Mesîh e.

⁴Û bona ku kêfxweşiya we temam bibe, em van tiştana ji we re dinivîsînin.

⁵Mizgîna ku me ji wî bihîst û niha têdighînin we ev e: Xwedê ronahî ye û di wî de qet tarî tune.

⁶Ger em; paydariya me tevî wî heye bibêjin û di tariyê de bimeşin, em derew dibêjin û rastiyê nakin;

⁷lê belê mîna ku ew di ronahiyê de ye, ger em jî di ronahiyê de bimeşin, bi hev û din re paydariya me hebe û xwîna Lawê wî Îsa Mesîh, me ji her gunehî ve paqij dike.

⁸Ger em bibêjin ku gunehên me tune, em xwe dixapînin û di nav me de[1]rastî nabe.

⁹Lê belê ger em gunehên xwe mukir bên[1], bona ku gunehên me ji me re efû bike û me ji her xerabiyê ve paqij bike, ew dilsoz û dadmend e.

¹⁰Ger em bibêjin ku me guneh nekiriye, em wî[1]dikin derewçîn û di me de gotina wî nabe.