Read PEYMANA NÛ 2017 (ÎNCÎL) 1. Yûhena 2 Bible Online

1. Yûhena 2 - PEYMANA NÛ 2017 (ÎNCÎL) bible

1. Yûhena 2

¹Ya zarokên min, bona ku hûn gunehan mekin, ez van tiştana ji we re dinivîsînim! Û ger gava ku, kesek gunehan bike, di hizura Bav de mehdervanek[1]me, Îsa Mesîhê dadmend[2]heye.

²Û ew bi xwe ji bo gunehên me û ne tenê ji bo gunehên me, lê belê ji bo hemûya dinê kefaret e.

³Û ger em bi emirên wî bigirin, em bi vêya bizanin ku, em wî nas dikin.

⁴Yê ku dibêje ez wî nas dikim û bi emirên wî nagire[1], ew derewçîn e û di wî de rastî nîne;

⁵lê belê yê ku bi gotina wî bigire, hezkirina Xwedê di wî de bi rastî rayedar bûye. Em bi vêya fêhm dikin ku, em di wî de ne.

⁶Yên ku dibêje, ez di wî de disekinim, ew çawa meşiya be, divê ku ew jî ûsa bimeşe.

⁷Ya xoşewîstno, ez ji we re ne emrekî nû, lê belê emrê ku ji destpêkê ve bona we ye dinivîsînim; emirê kevn, gotina ku we bihîstine ye.

⁸Ez dîsa jî emrekî nû ji we re dinivîsînim; ew tişt di wî de û di we de rasteqînî ye; ji ber ku tarî derbas dibe û ronahiya rasteqîn ji niha ve şewle dide.

⁹Yê ku dibêje ez di ronahiyê de me û ji birayê xwe dikeribe, ew heta niha di tariyê de ye.

¹⁰Yê ku ji birayê xwe hez dike, di ronahiyê de dimîne û di wî de sedema tilpekîbûnê tune[1].

¹¹Lê belê yê ku ji birayê xwe dikerihe, di tariyê de ye û di tariyê de dimeşe û nizane ku diçe ku derê; ji ber ku tariyê çavên wî kor kirine.

¹²Ya zarokno, ez ji we re dinivîsînim; ji ber ku di oxra navê wî de gunehên we ji we re hatin bexşandin.

¹³Ya bavikno, ez ji we re dinivîsînim; ji ber ku hûn yê di destpêkê de heye nas dikin. Ya xortno, ez ji we re dinivîsînim; ji ber ku we yê xerab, mexlûb kirin. Ya zarokno, ez ji we re dinivîsînim; ji ber ku hûn Bav nas dikin.

¹⁴Ya bavikno, min ji we re nivîsand; ji ber ku hûn yê di destpêkê de heye nas dikin. Ya xortno, min ji we re nivîsand; ji ber ku hûn bihêz in û gotina Xwedê di nav we de dimîne û we yê xerab, mexlûb kirin.

¹⁵Ji dinê û ji tiştê ku di dinê de ne, hez mekin! Ger kesek ji dinê hez bike, di wî de hezkirina Bav nîne.

¹⁶Ji ber ku hemû tiştên di dinê de ne, şehweta bedenê, şehweta çavan û jîna madî ya ku xururê dide, ne ji Bav, lê belê ji dinê ye.

¹⁷Û dinya û şehweta wê derbas dibin, lê belê yê ku xwestina Xwedê tîne cîh, heta bêdawiyê dimîne[1].

¹⁸Ya zarokno, ev saeta dawîn e! Û mîna ku we bihîstine, dijberê Mesîh tê; niha jî zehf dijberê Mesîh peyda bûne; ji ber vêya em dizanin ku, ev saeta dawîn e.

¹⁹Ew ji nav me derketin, lê belê ne ji me bûn; ji ber ku ger ew ji me bûna, dê li cem me bimana. Lê belê veqetandina wan nîşan da ku, ew hemû ne ji me bûn.

²⁰Û yê we, ji aliyê yê pîroz ve mesha we heye û hûn bi her tiştî dizanin.

²¹Ne bona ku hûn bi rastiyê nizanin, lê belê ji ber ku hûn bi wê dizanin û dizanin ku her derew ne ji rastiyê ye, min ji we re nivîsand.

²²Ma yê ku Mesîhiya Îsa înkar dike ne derewçîn be, kî derewçîn e? Yê ku Bav û Law înkar dike, dijberê Mesîh e.

²³Di her kesê ku Law înkar dike de, Bav jî nîne; di kesê ku Law mukir dike de[1], Bav jî heye.

²⁴Yê ku we ji destpêkê ve bihîstiye, bila di nav we de bimîne! Ger yê ku we ji destpêkê ve bihîstiye di naw we de bimîne, hûn ê jî di Law û di Bav de bimînin.

²⁵Û wada ku wî ji me re wad kiriye ev e, jiyana bêdawîn e.

²⁶Min van tiştan di derheqê yên ku dixwazin we ji rê ve derxînin de, ji we re nivîsandin.

²⁷Û ger em bên we, ew mesha ku we ji wî stendine, dê di we de bimîne û hewcedariya we nîne ku kesek ji we re bide hîn kirinê; lê belê mesha wî di derheqê her tiştî de çawa bi we dide hîn kirin û rasteqîn e û ne derew e û çawa hînî we kiribe, hûn ê di wê de bimînin.

²⁸Û niha, ya zarokno, bona ku, ger ew xuya bibe, bila dilawêriya me hebe[1]û di xuyabûna wî de em ji ber wî ne şermin, di wî de bisekinin.

²⁹Ger hûn bizanibin ku ew rast e, hûn ê bizanibin ku her kesê dadiyê[1]dike jî ji wî bûyîne[2].