Read PEYMANA NÛ 2017 (ÎNCÎL) 1. Yûhena 4 Bible Online

1. Yûhena 4 - PEYMANA NÛ 2017 (ÎNCÎL) bible

1. Yûhena 4

¹Ya xoşewîstno, bi her ruhî ve bawer nebin; lê belê bona ku hûn fêhm bikin, ka ew ji Xwedê ne, wan biceribînin! Ji ber ku gellek peyxamberên sexte belavî dinê bûne.

²Hûn ê bi vî awayî Ruhê Xwedê nas bikin: Her ruhê ku qebûl dike, Îsa Mesîh di bedenê de hatiye[1], ew ji Xwedê ye.

³Û her ruhê ku Îsa qebûl nake, ne ji Xwedê ye û ruhê dijberê Mesîh ev e; we hatina wî bihîstin û bi rastî ew ji niha ve di dinê de ye.

⁴Ya zarokno, hûn ji Xwedê ne û we wan mexlûb kirin; ji ber ku yê di we de ye, ji yê li dinê ye hîn jî mezintir e.

⁵Ew ji dinê ne; ji bo vê yekê ji dinê ve dibêjin û dinya guh dide wan.

⁶Em ji Xwedê ne, yê ku Xwedê nas dike, dê me guhdarî bike; yê ku ne ji Xwedê ne, guh nadin me. Em ruhê rasteqîniyê û ruhê rêşaşiyê bi vêya dizanin!

⁷Ya xoşewîstno, em ji hev û din hez bikin! Ji ber ku hezkirin ji Xwedê ye û her kesê ku hez dike ji Xwedê ve bûyiye[1]û bi Xwedê dizane.

⁸Kesê ku hez nake, bi Xwedê ve nizane; ji ber ku Xwedê hezkirin e.

⁹Hezkirina Xwedê bi vêya ji me re hate nişan dayîn, bona ku em bi navgîniya wî bijîn, Xwedê Lawê xwe yê tekane şand dinê.

¹⁰Hezkirin di vê de ye, ne ku me ji Xwedê ve hez kirin, lê wî ji me hezkir û Lawê xwe ji bo kefareta gunehên me şand.

¹¹Ya xoşewîstno, ger Xwedê bi vî awayî ji me hez kiriye, em jî deyndar in ku ji hev û din hez bikin.

¹²Qet kesî Xwedê tu carî nedîtiye; ger em ji hev û din hez bikin, Xwedê di me de dimîne û hezkirina wî di me de rayedar dibe.

¹³Bi Ruhê xwe yî ku daye me, em fêhm dikin ku em di wî de û ew jî di me de dimîne.

¹⁴Û me dîtin û em şahdeyiyê dikin ku; Bav, Lawê xwe ji bo Xelaskeriya dinê şand.

¹⁵Her kî mukir bête[1]ku Îsa Lawê Xwedê ye, Xwedê di wî de û ew jî di Xwedê de dimîne.

¹⁶Û em hezkirina Xwedê, ya bona me ye dizanin û em bi wî bawer bûn. Xwedê hezkirin e û yê ku di hezkirinê de bimîne, di Xwedê de dimîne û Xwedê di wî de dimîne.

¹⁷Bona ku di roja daraziyê de dilawêriya me hebe, hezkirin bi me, di vêya de, digihêje kamiliyê; ji ber ku ew çawa be, em jî li vê dinê ûsa ne.

¹⁸Di hezkirinê de tirs tune, lê hezkirina rayedar tirsê davêje derve; ji ber ku di tirsê de lêdan[1]heye û kesê ku ditirse, di hezkirinê de nehatiye rayedar kirin.

¹⁹Em ji wî hez dikin, ji ber ku wî pêşiyê ji me hez kir.

²⁰Ger kesek bibêje: Ez ji Xwedê hez dikim û ji birayê xwe bikeribe, ew derewçîn e; ji ber, ew kesê ku ji birayê xwe yê ku dibîne hez nake, çawa dikare Xwedayê ku wî nedîtiye, hez bike?

²¹Û me vî emrî ji wî stendine, ku dibêje: Kî ji Xwedê hez dike, bila ji birayê xwe jî hez bike.