Read PEYMANA NÛ 2017 (ÎNCÎL) 2. Yûhena 1 Bible Online

2. Yûhena 1 - PEYMANA NÛ 2017 (ÎNCÎL) bible

2. Yûhena 1

¹Ji kalepîr ve, ji pîreka ku hatiye bijartin re û zarokên wê re, ya ku di rasteqîniyê de ez jê hez dikim û ne tenê ez, lê belê hemûyên ku rasteqîniyê nas kirine jî,

²ji ber rasteqîniya ku di me de disekine û dê abadîn bi me re be.

³Bila ji Bav Xwedê û ji Lawê Bav, Xudan Îsa Mesîh ve, di rasteqîniyê û hezkirinê de xêr, dilovanî û xweşî bi we re be!

⁴Gava min dît hinek zarokên te, mîna ku me emir ji Bav girtine ew ûsa di rêya rastiyê de diçin, ez bo wê pirr kêfxweş bûm.

⁵Û niha, ya xanim, ne mîna ku ez emrekî nû ji te re dinivîsînim, lê ya ku di destpêkê de bi me re bû dinivîsînim û ji te rica dikim: Em ji hev û din hez bikin.

⁶Û hezkirin ev e; li gor emirên wî bimeşin. Mîna ku we di destpêkê de bihîstin, bona hûn di vê de bimeşin, emir ev e.

⁷Ji ber ku, pirr kesên xapînokî li dinê belav bûne; ew hatina Îsa Mesîh di bedenê de qebûl nakin. Yê ku xapînok û dijberê[1]Mesîh e, ev e.

⁸Li xwe miqate bin ku, bona hûn tiştên me ked dayinê winda mekin, lê belê heqê xwe bêkêmasî bistînin!

⁹Hemû kesên ku pêş ve diçin û di hînkariya Mesîh de nasekinin, di wan de Xwedê tune; yê ku di vê hînkariya de disekine, di wî de him Bav û him jî Law heye.

¹⁰Ger dema kesek were cem we û vê hînkariyê neanî be, wî kesî qebûlî malê mekin û silavê nedin wî!

¹¹Ji ber ku yên silavê didin wî, dibin şirîkê karên wî yî xerab.

¹²Hîn pirr tiştên ku ji we re binivîsim hene, min nexwest ku bi kaxizê û hibirê[1]ve binivîsînim; lê belê hêviya min ew e ku ez werim cem we û bi we re rû bi rû biaxifim; da ku, bila dilşayiya me temam bibe.

¹³Zarokên xwuşka te ya ku hatiye bijartin, ji te re silav dikin. Amîn.