Read PEYMANA NÛ 2017 (ÎNCÎL) 3. Yûhena 1 Bible Online

3. Yûhena 1 - PEYMANA NÛ 2017 (ÎNCÎL) bible

3. Yûhena 1

¹Ji vî kalepîrî ve, ji Gayosê xoşewîst, yê ku ez bi rastî jê hez dikim re!

²Ya xoşewîst, çawa ku canê te di xweşiyê de ye, ez dixwazim ku[1], tu di her tiştî de di nav tenduristî û xweşiyê de bî!

³Ji ber ku dema birayan hatin; mîna ku tu di rastiyê de dimeşe, bona rasteqîniya te şahdeyî kirin, ez pirr kêfxweş bûm.

⁴Ji ber vêya, xeynî ji bihîstina meşa zarokên min, ya di rastiyê de, kêfxweşiyek minî mezintir nîne.

⁵Ya xoşewîst, ji birayan re û tevî vêya ji xerîban re her tu çi dikî, xebatên dilsoz û ji dil dikî;

⁶wana li ber Dêrê[1]ji hezkirina te re şahdeyiyê kirin. Gava tu wana bi mîna liyaq bûna Xwedê ve bişînî, tuyê qenc bikî.

⁷Ji ber ku ji Neteweyan[1]tiştekî nestendin û di oxra Nav de derketin rê.

⁸Niha, bona ku em di oxra rastiyê de bibin kedkar, em deyndar in ku kesên ûsa qenc qebûl bikin.

⁹Min ji Dêrê re hinek tişt nivîsand, lê belê di nav wan de, yê ku aşiqê meqama herî bilind e, Diyotrefîs me qebûl nake.

¹⁰Ji ber vê yekê, ger ez werim, ez ê karên wî yên li dijî me bi gotinên xerab û bi îftirayê kirine di bîr de bînim û bi vêya nasekine, ew bi xwe birayan jî qebûl nake û ji yên dixwazin re jî astengiyê derdixe û wan ji Dêrê ve davêje derve.

¹¹Ya xoşewîst, ne xerabiyê, lê qenciyê ji xwe re bike mînak. Yê ku qenciyê dike, ji Xwedê ye; yê ku xerabiyê dike, wî Xwedê nedîtiye.

¹²Ji aliyê her kesî ve û bi xwe ji aliyê rasteqîniyê ve jî Dîmîtriyos re şahdeyî tête kirin û em jî şahdeyiyê dikin û tu dizanî ku şahdeyiya me rasteqîn e.

¹³Gellek tiştên min yê ku ji te re binivîsînim hene, lê belê naxwazim ku bi hibirê[1]û pênûskê ve binivîsim.

¹⁴Lê belê ez hêvîdar im ku di nêzîk de ez ê te bibînim û em ê rû bi rû biaxifin.

¹⁵Bila xweşî ji te re be! Heval silavê li te dikin. Ji hevalan re bi nav û nav silav bike!