Read PEYMANA NÛ 2017 (ÎNCÎL) Cihûda 1 Bible Online

Cihûda 1 - PEYMANA NÛ 2017 (ÎNCÎL) bible

Cihûda 1

¹Ji Cihûdayê ku qûlê Îsa Mesîh û birayê Aqûp, ji bangkirên ji aliyê Bavo Xwedê ve hatine hez kirin û di Îsa Mesîh de hatine parastin re:

²Bila dilovanî, dilxweşî û hezkirin ji we re zêde bibe!

³Ya xoşewîstno, dema gellekî xîret dikirim ku, ez ji we re di derheqê pev re xelas bûna me de binivîsînim; bi gotina rica kirina; hûn bona baweriya ku carekê ji pîrozan re hatiye emanet kirin têkoşînê bikin, ez hewcedar bûm ku ji we re binivîsînim.

⁴Ji ber ku hin kesên bêxwedê, yên ku xêra Xwedayê me ji sefahetê re dikin navdîtî û yek fermandarê[1]me û Xudanê me Îsa Mesîh înkar dikin, bi dizîka ketin nav we; darazbûna wan ji zû ve[2]hatiye nivîsandin.

⁵Hûn vana hemûyan dizanin jî, lê dîsa dixwazim bînim bîra we ku, Xudan gelê xwe pêşiyê ji welatê Misirê xelas kir; lê belê dawiyê yên ku baweriyê neanîne helaq kir.

⁶Û wî[1], milyaketên di nava sînorên rayedariyên xwe de nemane û ji cîhê ku ji wan re hatiye danîn cuda bûne, bona roja mezin ya daraziyê, bi zincîrên ku venabin ve girê da û hepsî tariyê kir.

⁷Sodom, Gomora û bajarê li dora wan in jî bi awayekî wekhev xwe radestî teqînên fuhş û rêçewtiyê kirin. Ev bajarê ku heta bêdawîbûnê cezaya di agir de şewitînê dikişînin, her yek mînakên ders jê girtinê ne.

⁸Lê belê vana jî bi eynî awayî xeyalan dikin û bedenê gemarî dikin û rayedariyê bi tunehiyê dihesibînin û ji mezinîhayiyan[1]re kufir dikin.

⁹Lê belê heta sermilyaket Mikaîl jî, dema di derheqê cesedê Mûsa de bi Îblîs re têkoşerê dikir, newêriya ku bi kufir kirinê wî daraz bike; lê got: Bila Xudan bi te bipeke!

¹⁰Lê belê vana, ji heçî tiştên ji wê fêhm nakin re xeberan didin û mîna heywanên bêvac di fêhmkirina tiştên xweza[1]de dê helaq bibin[2].

¹¹Wey li wan! Ji ber ku di rêya Kayîn de çûn û bona qezencê ketin rêşaşiya Balam û di serîhildana Korah de helaq bûn!

¹²Dema vana, di ziyafetên we yî hezkirinê de, bi we re bixwin û vexwin, leke ne, şivanên ku bêtirs xwe xwedî dikin in; ewrên bê baran yên bi ber ba ve diçin, darên payîzê yên bêmêw, yên ji rehê ve hatine kişandin û du caran mirî ne;

¹³şepêlên har yên behrê, yên şermezariyên xwe belav dikin in; mîna stêrkên beredayî ne; tariyek heta bêdawîbûnê bidome li benda wan e.

¹⁴Henoxê paşî Adem ji nifşeya heftemîn e, ji vana re jî peyxamberitiyê kir û got:

¹⁵Bona li dijî her kesî cîh anîna daraziyê û di derheqê hemû karên wanî bêxwedê de, yên ku bi bêxwedêtiyê dikin û bona hemû tiştên tund yên ku gunehkarên bêxwedê li dijî wî gotine, bona hemû rêşaşan bêdeng bike, a vay, Xudan bi deh hezarên pîrozên xwe re hat.

¹⁶Vana yên di berxwe de dibêjin û gazinca dikin; li pey şehwetên xwe diçin in û devê wan gotinên tûmtûrak dibêjin; yên ku bona qezencê[1]hurmetê ji şexsan re dikin in.

¹⁷Lê belê hûn, ya xoşewîstno, gotinên ku ji berê ve ji aliyê şagirtên Xudanê me Îsa Mesîh ve hatine gotin di bîr de bînin;

¹⁸ku ji we re: Yên ku di dema dawîn de kêfê dikin, dê yên bêxwedê û li gor şehweta xwe dimeşin bibin, digotin.

¹⁹Vana yên ku cihêtiyê dikin, bi hebûna mirov ve girêdayî û kesên ku di wan de Ruh tune ne.

²⁰Lê belê hûn, ya xoşewîstno, xwe li ser bingeha baweriya xwe ya herî pîroz e ava bikin; di Ruhê Pîroz de dua bikin;

²¹dema hûn li benda dilovaniya Xudanê me Îsa Mesîh ya we bigihînî jiyana abadîn bin, xwe di hezkirina Xwedê de biparêzin.

²²Û dilovaniyê li hin kesên bêqirar re bikin;

²³hin kesan ji agir ve bikişînin û xelas bikin û ji hin kesan re jî bi tirsê dilovaniyê bikin û ji kincekî bi bedena biguneh ve hatiye gemar kirin jî bikerihin.

²⁴Niha, ji Xelaskerê me Xwedê yê yek e, yê ku hêza wî têra we ji ketinê ve biparêze û we bi kêfxweşiyek mezin û bêleke derxe hizûra xwe, heye re,

²⁵bi navgîniya Xudanê me Îsa Mesîh, berî hemû çaxan û niha û heta hemû çaxan bila bilindahî, rewnaqî, serwerî û qudret bibe! Amîn.