Read PEYMANA NÛ 2017 (ÎNCÎL) Peyxam 1 Bible Online

Peyxam 1 - PEYMANA NÛ 2017 (ÎNCÎL) bible

Peyxam 1

¹Peyxama Îsa Mesîh e. Vêya, Xwedê, bona ku bûyerên dê di dema nêzîk de çê bibin nîşanî qûlên xwe bide, da wî û ew, bi navgîniya milyaketê xwe şand û wê nîşanî qûlê xwe Yûhena da;

²wî jî li gotina Xwedê û li şahdeyiya Îsa Mesîh, yanê, li hemûya tiştên ku dîtiye, şahdeyiyê kir.

³Xwezî li kesên ku gotinên vê peyxambertiyê dixwînin û guhdarî dikin û bi tiştên ku di wê de hatine nivîsandin digirin! Ji ber ku dem nêzîk e.

⁴Ji Yûhena ve, ji heft Dêrên li Asyayê ne re: Bila ji Mesîh Îsa, yê ku hebû û dê hebe û dê were û ji yê heft ruhê ku li ber texta wî ne û ji şahdeyê dilsoz

⁵û ji miriyan pêşiyê welidiye û serokê qiralên dinê ye ve, xêr û xweşî ji we re be! Ji yê ku ji me hez kiriye[1]û di xwîna xwe de me ji gunehên me ve şuştiye

⁶û ji yê ku, me ji Bavê xwe Xwedê re kiriye qiralan û kahînan re, ji heta bi abadîna abadînan ve bilindahî û qudret bibe! Amîn.

⁷A vay, bi ewran ve tê û dê her çav û yên bedena wî qul kirine jî wî bibînin û bona wî dê hemû neteweyên rûyê erdê li xwe bixin! Belê, Amîn.

⁸Xudan, Xwedayê ku hêza wî têra her tiştên hene, hebûn û dê hebin dike, dibêje: Alfa û Omega[1]ez im.

⁹Ez, yê ku tevî we pardarê tengasî û milyaket û sebra di Îsa de ye, birayê we Yûhena, bona gotina Xwedê û şahdeyiya Îsa, li girava ku navê wê Patmos e, bûm.

¹⁰Di roja Xudan de, ez di Ruh de bûm û li paşî xwe dengekî bilindî mîna borîjenê bihîstim;

¹¹ku digot: Alfa û Omega, yê Yekemîn û Dawîn ez im! Û dîtinên xwe li kitêbekê binivîse û ji heft Dêrên ku li Asyayê ne re bişîne: Ji Efesê re, ji Îzmîrê re, ji Bergamayê re, ji Tiyatêrayê re, ji Sardisê re, ji Fîladelfiyayê re û ji Lawdîkyayê re!

¹²Û bona ez dengê ku bi min re diaxife bibînim, vegeriyam paş xwe û gava vegeriyam, min heft şimadankên[1]zêrîn

¹³û di nava şimadankan de, yekî mîna lawê mirov, kincên li ser wî digihêje lingên wî û sînga wî bi şûtika zêrînî ve hatiye pêçandin dîtim.

¹⁴Û serê wî û porê wî sipî, mîna hiriyê sipî, mîna berfê bû û çavên wî mîna pêtê agir bûn!

¹⁵Û lingên wî mîna tûncê dibiriqî yê di firnê de bûye pêtî bû û dengê wî mîna dengê pirr avan bû.

¹⁶Û di destê wî yê rastê de heft sitêrk hebûn û ji devê wî şûrekî du devî yê tûj derdiket û wecê wî mîna roja bi hemû hêza xwe ve dibiriqe bû.

¹⁷Û dema min wî dît, ez mîna miriya li ber lingên wî ketim. Û wî destê xwe yî rastê danî ser min û got: Metirse! Yê pêşîn û yê dawîn

¹⁸û yê zindî ez im û ez miribûm û a vay, ez bi abadîna abadînan[1]ve zindî me û kilîdên[2]mirinê û warê miriyan bi min re ne.

¹⁹Niha tiştên ku te dîtine, yên ku niha bibin û yên ku ji piştî vêya ve dê bibin binivîsîne.

²⁰Raza[1]van heft stêrkan yên ku te di destê minî rastê de dît û heft şimadankên zêrînî, heft sitêrk milyaketên heft Dêran[2]in û heft şimadank jî heft Dêr in.