Read PEYMANA NÛ 2017 (ÎNCÎL) Peyxam 12 Bible Online

Peyxam 12 - PEYMANA NÛ 2017 (ÎNCÎL) bible

Peyxam 12

¹Û li ezman ve nîşanek mezin[1]xuya bû: Pîrekek bi rojê ve pêçayiye û di binya lingên wê de heyv û li serê wê tacek ji donzdeh stêrkî ye hebû.

²Û ew bi ducanî[1]bû û di nava janên zayinê de vedigevizî û diqêriya.

³Û li ezman, nîşanek din xuya bû: Û a vay, bi heft serî û bi deh qiloçî û di ser seriyên wî de heft tac hebûn, ejderhayek mezin û sor hebû.

⁴Û teriya[1]wî ji sisêyan yekê sitêrkên ezmanan kaş dikir û wan avêt rûyê erdê. Û ejderha li ber pîreka ku li ber welidandinê ye, bona ku dema biwelidîne[2]zarokê wê daqurtîne disekinî.

⁵Û wê lawekî, zarokekî mêr, yê ku dê hemû netewan bi darekî hesinî ve bajo anî dinê[1]û zarokê wê hate girtin û birin cem Xwedê û cem texta wî.

⁶Û pîrek reviya çolê, li wir, bona ku hezar û du sed û şêst rojî li wê derê bête xwedî kirin, cîhekî wê, yê ji aliyê Xwedê ve hatiye amade kirin heye.

⁷Û li ezman şer çêbû: Mikaîl û milyaketên xwe, li dijî ejderha ve şer kirin. Û ejderha, bi milyaketên xwe ve li dijberî wan şer kirin,

⁸lê belê ew serfiraz nebûn û cîhên wanî li ezman êdî nehat dîtin[1].

⁹Û ejderhayê mezin, ew marê kevn ku hemûya dinê ji rê ve derdixist, yê bi navê Îblîs an jî Şeytan ve tê binav kirin û bi milyaketê xwe ve bi rûyê erdê ve hatin avêtin.

¹⁰Û min bihîst ku li ezman, dengekî bilind ûsa dibêje: Xelaskirina Xwedayê me û hêza wî û serweriya wî û rayedariya Mesîh niha hate cîh[1]! Ji ber ku tawanbarkirê[2]birayên me, yê ku wan li ber Xwedayê me bi roj û şev ve bi tawan xuya dikir, bi jêr ve hate avêtin.

¹¹Û wan ji ber sedema xwîna Berxikê û ji ber sedema gotina şahdeyiya xwe ve wî mexlûb kirin û heta mirinê ji canê xwe hez nekirin!

¹²Bona vêya, ya ezmanno û yên di wan de rûdinin, kêfxweş bibin! Wey li erdê û behrê! Ji ber ku Îblîs bi zanebûna dema xwe yî kêm e, bi hêrsekî mezin ve daket ser we.

¹³Û dema ejderha dît ku bi rûyê erdê ve hatiye avêtin, dest bi bera dana pîreka ku zarokê nêr aniye dinê kir.

¹⁴Û bona ku ji ber mar ber ve çolê, ber ve cîhê xwe ve bifire, her du bazikên qertelê mezin, ji pîrekê re hate dayîn; di demekî û deman û nîv demê de li wê derê tête xwedî kirin.

¹⁵Û mar, bona pîrekê bi ber ava lehiyê ve bibe, ji devê xwe, li pey wê mîna çemekî av rijand.

¹⁶Û erd, ji pîrekê re alîkarî kir û erd devê xwe vekir û çemê ku mar ji devê xwe ve rijandiye daqurtand.

¹⁷Û ejderha li dijî pîrekê hêrs bû[1]û bona ku bi kesên ji nîjada wê, paş ve maye û emirên Xwedê tînin cîh û di wan de şahdeyiya Îsa heye re şer bike çû.

¹⁸Û ez li ser qûma behrê sekinîm.