Read PEYMANA NÛ 2017 (ÎNCÎL) Peyxam 13 Bible Online

Peyxam 13 - PEYMANA NÛ 2017 (ÎNCÎL) bible

Peyxam 13

¹Û min cenawirekî ji behrê ve derdikeve dît, deh qiloç û heft seriyê wî û li ser qiloçên wî deh heb tacên wî û li ser seriyên wî navên kufrê hebûn.

²Û cenawirê ku min dît, mîna parsekî[1]bû û lingên wî mîna lingên hirçan û devê wî mîna devê şêran bû û ejderha, tevî hêz û texta xwe, rayedariyek mezin da wî.

³Û ji seriyên wî yekî mîna birînek mirinî stendîbe dîtim û birîna mirinê hate başkirin û hemûya dinê, li pey cenawir ve şaş û metal ma[1].

⁴Û wan bi ejderhayê rayedariyê daye cenawirê ve peristinê kirin û bi gotina: Ma qey ya mîna cenawir heye? Kî dikare bi wî re şer bike? ji cenawirê re peristîn.

⁵Û devekî gotinên bi quretî û kufiran bike û rayedariyek bi çel û du mehî bişuxulîne ji wî re hate dayîn.

⁶Û bona li dijî Xwedê kufir bike, bona kufiran ji navê wî û mala wî re, yanê, ji yên li ezman ve dijîn re bike, devê xwe vekir.

⁷Û ji wî re destûr hate dayîn ku, bikaribe li dijî pîrozan şer bike û wan bindest bike û ji wî re li ser her eşîr û her gel û her ziman û her neteweyan ve rayedarî hate dayîn.

⁸Û hemûyên li rûyê erdê ve dijîn û ji ava kirina dinê ve navê wan di kitêba jiyanê ya Berxê ku hatiye serjêkirin de nehatiye nivîsîn, dê ji wî re biperistin.

⁹Ger guhên kî hebe, bila bibihîzin!

¹⁰Ger mirovek bona bindestiyê be[1], ew dê here bindestiyê. Ger yekî bi şûr ve bikuje be, divê ew bi şûr ve bête kuştin. Sebir û baweriya pîrozan di vê de ye!

¹¹Û min cenawirekî dinî ji erdê ve derdikeve dît û mîna berxikekî du qiloçê wî hebûn û mîna ejderha diaxifî[1].

¹²Û hemû rayedariya cenawirê yekemîn, li ber çavê wî dişuxulîne. Û bi rûyê erdê û heçî kesên li ser wê ve dijîn, ji cenawirê yekemîn, yê birîna wî yî mirinî baş bûye re dide secde kirin.

¹³Û li ber mirovan, mûcîzetên qasî ji ezman ve agir bibarîne rûyê erdê çê dike.

¹⁴Û ji yên ku li ser rûyê erdê rûdinin re, bona ji cenawirê ku pê re birîna şûr heye û jiya ye[1]sûretekî çêbikin dibêje û ji ber sedema elametên ku bona li ber cenawir bête çêkirin jê re hatine dayîn, yên ku li rûyê erdê ve rûdinin ji rê ve çewt dike.

¹⁵Û bona ku hilma jiyanê bide senema cenawir, wî biaxifîne û bona hemûyên ku ji wî re peristinê nekin bide kuştin, qudret ji wî re hate dayîn.

¹⁶Û mohrek li ser destê rastê an jî eniya her kesê biçûk û mezin û dewlemend û xizan û azad û dîl ve dide xistin

¹⁷û xeynî kesên ku navê cenawir, an jî mohra hejmara navê wî nîşan dide bi wan re ye, tu kes nikare bikire, an jî bifiroşe[1].

¹⁸Hîkmet li vir e[1]. Yên dikarin fêhm bikin, bila hejmara aidî cenawir e bihesibînin; ji ber ku hejmara mirovekî ye[2]û hejmara wî şeş sed û şêst û şeş e.