Read PEYMANA NÛ 2017 (ÎNCÎL) Peyxam 2 Bible Online

Peyxam 2 - PEYMANA NÛ 2017 (ÎNCÎL) bible

Peyxam 2

¹Ji milyaketê Dêra li Efesê ye re binivîsîne: Yê ku heft sitêrkî di destê xwe yî rastê de digre, di nava heft şimadankên[1]zêrînî de dimeşe, ûsa dibêje:

²Ez bi karên te û bi xebatkariya te û bi sebra te dizanim û ez dizanim ku tu nikarî ji xeraban re sebir bikî û te yên ku ne şagirt in, lê belê xwe bi şagirtî didin nasîn ceriband û wan derewçîn dît

³û tu bisebr î û di oxra navê min de, te li berxwe da û newestiyayî.

⁴Lê belê tiştekî minî li dijî te heye: Te hezkirina xwe yî pêşîn berda.

⁵Niha di bîr de bîne ku tu ji ku ket û tobe bike û karên xwe yî pêşîn bike! Ger tu tobe neke, ez ê bêm te û şimadanka te ji cîh ve rakim!

⁶Lê belê ev di te de heye ku: Tu ji karên alîgirên Nîkolas ve dikerihe; ez jî ji wan dikerihim.

⁷Yê guhê wî hebe, bila bibihîze ku ka Ruh ji Dêran re çi dibêje! Ez ê mafê xwarina ji dara jiyanê ya di bihuşta[1]Xwedê de ye, bidim yê ku serdest bê.

⁸Û ji milyaketê Dêra li Îzmîrê ye re binivîsîne: Yê miriye û dîsa rabûye, yê ku pêşîn û dawîn e ûsa dibêje:

⁹Ez tengasiya te û xizaniya te dizanim; – lê belê tu dewlemend î! – Û ez kufrên kesên ji xwe re dibêjin Cihûd, lê belê yên ne Cihûd in, di mîna kenişta Îblîs de ne dikin dizanim.

¹⁰Ji tengasiyên ku tu li ber kişandinê ye metirse! A vay, Îblîs bona ku hûn bên ceribandin, dê ji we hin kesan bavêje zîndanê û dê deh roj tengasiya we hebe. Heta mirinê dilsoz be û ez ê taca jiyanê bidim te!

¹¹Yê guhê wî hebe, bila bibihîze ku ka Ruh ji Dêran re çi dibêje! Yê ku serdest bê, dê ji mirina duwemîn ve xesarê[1]nebîne.

¹²Û ji milyaketê Dêra li Bergamayê ye re binivîsîne:

¹³Yê ku xwediyê şûrê tûj yê bi dudevî ye, van tiştan dibêje: Ez bi karên te û ka tu li ku derê rûdinî ve dizanim; texta Îblîs li wir e û tu bi şidandî bi navê min ve digirî û di nava we de, li cîhê ku Îblîs lê rûdinî, di rojên kuştina şahdeyê minî dilsoz Antîpa de jî, te baweriya xwe ya bi min ve înkar nekir.

¹⁴Lê belê li dijî te çend tiştên min hene; ji ber, li wê derê, yên te, ên ku bi hînkariya Balam ve girêdayî mane hene; wî, bona xwarina goştên ji pûtan re hatiye pêşkêş kirin û bona zinê[1]bikin, tilpekî avêtina ber lawên Îsraêl, hînî Balak kir.

¹⁵Mîna vêya, yên te, ên ku bi fêrkirina Nîkolas, ya ku ez jê dikerihim ve digirin jî hene.

¹⁶Niha tobe bike! Ya na, ez ê zû werim te û li dijî wan bi şûrê di devê xwe de ve cengê bikim.

¹⁷Yê ku guhê wî hebe, bila bibihîze ku ka Ruh ji Dêran re çi dibêje! Ez ê ji manna[1]ku veşartiye bidim yê ku serdest bê. Wekî din ez ê kevirekî sipî û navekî nû ya li ser vî kevirî nivîsandiye, navekî ku ji xeynî yê ku bistîne, tu kes pê nizane bidimê.

¹⁸Û ji milyaketê Dêra li Tiyatîrayê ye re binivîsîne: Lawê Xwedê, yê ku çavên wî yên mîna pêtê agir heye û lingên wî mîna tûncê dibiriqe ne, van tiştan dibêje:

¹⁹Ez karên te û hezkirin û baweriya te û xizmeta te û sebra te dizanim û ez dizanim ku karên te yî dawîn, ji karên te yî pêşîn hîn jî zêdetir in.

²⁰Lê belê li dijî te tiştekî min heye; tu li pîreka bi navê Îzabêl, ya ku ji xwe re peyxamber dibêje bi xweşdîtinê dinihêrî û ew bi hînkariya xwe qûlên min ji rê ve derdixe û ber bi zîna kirinê û xwarina goştên ji pûtan re hatine pêşkêş kirin ve dibe.

²¹Û bona tobe kirina wê, min demekê da wê û naxwaze ku ji zîna[1]xwe ve tobe bike.

²²A vay, ez ê wê bavêjim nav livînekî û yê bi wê re zîna kirine jî, ger ji karên ku wê kiriye tobe nekin, ez ê wan bavêjim nav tengasiyên mezin.

²³Û ez ê zarokên wê, bi mirinê ve bikujim û dê hemû Dêr bizanibin, yê ku lêkolînê li gurçik û dilan dike, ez im. Û ez ê li gor karên we her yekî bidim we.

²⁴Lê belê ji we re, ji yên dinî li Tiyatîrayê ne re, ji hemûyên ku di wan de ev hînkariya nîne re, mîna ku ew dibêjin, ji yên tiştên Îblîs ên kûr ve nizanin re, dibêjim: Xeynî vêya ez tu barî danaynim ser we.

²⁵Lê belê heta ku ez bêm, bi yê ku bi we re ye bi pihêtî[1]ve bigirin[2]!

²⁶Û yê ku bi ser bikeve û heta dawîn bi karên min ve bigire, ez jî ji Bavê xwe çawa girtibim, ez ê li ser neteweyan ve serweriyê bidim wî.

²⁷Mîna ku qabên kûzker dişkênin, dê ew ê wan bi doqê hesinî ve bajo

²⁸û ez ê stêrka sibehê bidim wî.

²⁹Yê guhê wî hebe, bila bibihîze ku ka Ruh ji Dêran re çi dibêje!