Read PEYMANA NÛ 2017 (ÎNCÎL) Peyxam 21 Bible Online

Peyxam 21 - PEYMANA NÛ 2017 (ÎNCÎL) bible

Peyxam 21

¹Û min ezmanek nû û erdekî nû dît; ji ber ku ezmanê pêşîn[1]û erdê pêşîn derbas bûn û êdî behr nîne.

²Û min[1]dît ku bajarê pîroz, Orşelîma nû, mîna bûka ku xwe ji bo zavê amade kiriye û xemilandiye ji ezman, ji cem Xwedê ve daket.

³Û min ji textê[1]ve dengekî geş bihîst: A vay, kona[2]Xwedê digel mirovan e! Û ew dê bi xwe di nava wan de rûne û ew dê bibin gelên wî û dê Xwedê bi xwe bi wan re be, Xwedayê wan.

⁴Û dê Xwedê hemû hêstiran ji çavên wan ve paqij bike û êdî dê mirin tune be û êdî dê ne şîn hebin û ne girî û ne jî êş hebin; ji ber ku sazûmana berê ji navendê ve rabûye, digot.

⁵Û yê li ser text rûniştibû got: A vay, ez her tiştî nû dikim! Û wî ji min re got: Binivîse! Ji ber ku ev gotin ewledar û rast in!

⁶Û ji min re got: Bû! Alfa û Omega, destpêk û dawî ez im. Ez ê ji ava kaniya jiyanê ve bê berdêl bidim kesên ku tî bûne!

⁷Yê serdest bê, dê vana bi mêrasî bigire û ez ê ji wî re bibim Xwedê û ew ê ji min re bibe law.

⁸Lê belê, gava em bên kesên tirsok û bêbawerî û mekrûh û mêrkuj û zînekar û yên sêrbaz û senemperest û hemû derewçînan, cîhê wan gola agir ya bi kewkurdê ve dişewite ye; mirina duwemîn ev e.

⁹Û ji heft milyaketên ku bi wan re heft tasên bi heft asîwên dawîn ve tijî ne hene, yek hat, bi min re axifî û got: Were, ez Bûka ku dê ji Berxikê re bibe Jin nîşanî te bidim!

¹⁰Û min di Ruh de, bir çiyayekî mezin û bilind û bajarê mezin, Orşelîma pîroz, ya ji ezman, ji Xwedê ve dadikeve, nîşanî min da

¹¹û di wê de rewnaqiya Xwedê hebû; nûra wê, mîna kevirekî zehf bi qîmet, mîna kevirê hêşînorkê ya wekî billûrê dibiriqe bû.

¹²Dîwarê wê yî mezin û bilind û donzdeh deriyên wê hebûn û di deriyan de donzdeh milyaket hebûn û navên ku li ser deriyan nivîsandîne hebûn; vana navên donzdeh eşîrên[1]lawên Îsraêlê ne.

¹³Li rojhilatê sê derî û li bakurê sê derî û li başûrê sê derî û li rojavayê sê derî hebûn.

¹⁴Û donzdeh kevirên bingehê dîwarên bajêr û li ser wan, donzdeh navên şagirtên Berxikê hebûn.

¹⁵Û di destê yê ku bi min re diaxifî de, bona pîvana bajêr û deriyên wê, qamîşekî pîvanê ya zêrînî hebû.

¹⁶Û bajar çargoşe ye û dirêjiya wê qasî firehiya wê ye. Û wî bajêr bi pîvanê ve pîva û qasî donzdeh hezar tîr avêtinê bû; dirêjiya wê; firehiya wê û bilindahiya wê wek hev in.

¹⁷Û wî dîwarên wê pîva; li gor pîvana mirovan, yanê, li gor pîvana milyaket, sed û çel û çar arşinî[1]bû.

¹⁸Û dîwarê wê ji hêşînorkê ve hatibûn çêkirin û bajar di zelaliya camê de, ji safî zêran ve hatibû çêkirin.

¹⁹Kevirê bingehên dîwarê bajêr, bi her tewrî kevirê biqîmet ve hatibû xemilandin; kevirê bingehê ya yekemîn hêşînork, ya duwemîn yaqûta şîn, ya sêwemîn eqîqa belek, ya çaremîn zimrûd,

²⁰ya pêncemîn eqîqa sipî, ya şeşemîn eqîqa sor, ya heftemîn yaqûta zerînî, ya heyştemîn berîl[1], ya nehemîn yaqûta zer[2], ya dehemîn zumrida zerikî, ya yanzdehan yaqûta ezmanî û ya donzdehan yaqûta mor bû.

²¹Û donzdeh derî, donzdeh încî[1]bûn; her yekî deriyan ji înciyekî hatibûn çêkirin û rêya bajêr ya mezin di zebloqiya camê de, safî ji zêran ve hatibû ava kirin.

²²Û min di wê de Perestgeh nedît; ji ber ku Xudan, Xwedayê şiyandarê her tiştî û Berxik, Perestgeha wê ne.

²³Û bona ronahiya bajêr hewceyî rojê, an jî heyvê nîne; ji ber ku rewnaqiya Xwedê wê ronî dike û Berxik çiraya wê ye.

²⁴Û dê neteweyên ku xelas dibin, di ronahiya wê de bimeşin û dê qiralên dinê[1]bilindahî û rûmeta xwe bînin nav wê.

²⁵Û deriyên wê dê hemûya rojê qet neyên girtin; ji ber ku dê li wir şev nebe.

²⁶Û dê rûmet û dewlemendiya netewan, bînin nav wê.

²⁷Û ne yên rêze[1], an jî kesê pîsitiyê dike û derewan dibêje, lê tenê kesên ku navên wan di kitêba Berxikê, ya jiyanê de hatine nivîsandin dê têkevin wir.