Read PEYMANA NÛ 2017 (ÎNCÎL) Peyxam 22 Bible Online

Peyxam 22 - PEYMANA NÛ 2017 (ÎNCÎL) bible

Peyxam 22

¹Û wî, çemê ava jiyanê ya ji texta Xwedê û Berxikê ve derdikeve û mîna billûrê zelal e, nîşanî min da.

²Û li her du aliyan di navbera rêya wê û çem de darê jiyanê ya her meh donzdeh tewr mêwan dide hebû û pelên darê bona şîfaya neteweyan in.

³Û êdî dê tu naletek nebe û texta Xwedê û Berxikê dê di nava wê de be û dê qûlên wî ji wî re xizmetê bikin

⁴û ew dê wecê wî bibînin û navê wî li ser eniya wan be.

⁵Û êdî dê şev çênebe û dê ne ji ronahiya çirayê û ne ji ronahiya rojê ve hewcetiya wan namîne; ji ber ku Xudan, Xwedê ji wan re bibe ronahî û ew dê bi abadîna abadînan ve serweriyê bajon.

⁶Û wî ji min re got: Ev gotinan ewledar û rast in û Xudanê, Xwedayê ruhên peyxamberan e, bona ku bûyerên di dema kurt de hewceye bibin nîşanî qûlên xwe bide, milyaketê xwe şand.

⁷Û a vay, ez zû têm! Xwezî li yê ku bi gotinên peyxamberî yên vê kitêba digire re be!

⁸Û yê ku van tiştana bihîstine û dîtine ez, Yûhena me. Û dema van tiştan bihîstim û dîtim, bona ku li ber lingên milyaketê ku van tiştan nîşanî min dane secde bikim, xwe avêtim xwarê.

⁹Û wî ji min re got: Tu carî meke! Ji ber ku ez rêhevalê te yê xulam û yê birayê te peyxamberan û yên ku bi gotinên vê kitêba digirin im; ji Xwedê re secde bike!

¹⁰Û wî ji min re got: Gotinên peyxamberî yê vê kitêbê bi mohr meke; ji ber ku dem nêzîk e!

¹¹Yê ku xerabiyê dike, bila dîsa xerabiyê bike û yê ku mindar e, bila xwe dîsa mindar bike û yê ku rast[1]e, bila dîsa rastiyê bike û yê ku pîroz e, bila dîsa pîroz bibe!

¹²A vay, ez zû têm û ji her kesî re, li gora mîna ku karên wan e, xelata min di destê min de ye.

¹³Alfa û Omega, yê yekemîn û dawîn, yê destpêk û dawî ez im.

¹⁴Xwezî ji kesên qeftanên xwe dişon[1]û bi vî awayî heqê ji dara jiyanê xwarinê ve qezenc dikin û ji deriyan ve derbas dibin û dikevin bajarê re!

¹⁵Kûçik[1]û sêrbaz û zînekar[2]û mêrkuj[3]û pûtperest û her kesên ku ji derewan hez dikin û dikin, li derve ne.

¹⁶Ez Îsa; bona Dêran[1], bona ku ji we re ji van tiştan re şahdeyiyê bike, milyaketê xwe şandim. Ez reh[2]û nîjada Dawid û sitêrka sibehê ya dibiriqe me.

¹⁷Û Ruh û Bûk dibêjin: Were! Û bila yê bibihîze, bêje: Were! Û bila yê tî bûye were û yê bixwaze, bila ji ava jiyanê ve bê berdêl bistîne!

¹⁸Ez şahdeyiyê ji her kesê ku gotinên peyxambertiyê yên vê kitêbê bihîstine re dikim: Ger kesek tiştekî tevî vana bike, dê Xwedê asîwên[1]di vê kitêbê de nivîsandîne, tevî wî bike

¹⁹û ger kesek tiştekî ji gotinên vê kitêba peyxambertiyê ve derxîne, dê Xwedê ji dara jiyanê û ji bajarê pîroz yên ku di vê kitêbê de nivîsandîne ve, para wî derxîne.

²⁰Yê ku ji van tiştan re şahdeyiyê dike, dibêje: Belê, ez zû têm! Amîn! Were, ya Xudan Îsa!

²¹Bila xêra[1]Xudan Îsa Mesîh, bi hemû pîrozan re be! Amîn.