Read PEYMANA NÛ 2017 (ÎNCÎL) Peyxam 4 Bible Online

Peyxam 4 - PEYMANA NÛ 2017 (ÎNCÎL) bible

Peyxam 4

¹Paşî van tiştan dîtim û a vay, li ezman deriyek vekirî hebû û axaftina wî yî bi min re bihîstibûm û dengê pêşîn yê mîna borîjenê bû got. Derkeve vir û ez ê bûyerên li pey vêya lazim e ku bibin, nîşanî te bidim!

²Û ez hema di Ruh de bûm û a vay, li ezman textekî û yekî li ser wî textî rûniştiye hebû.

³Û yê li ser rûniştibû, mîna xuyaniya eqîqa yeşîm û sor bû û keskesorekê zumridê di bîr de dianî li dora text girtîbû.

⁴Û li dora text bîst û çar text û li ser textan rûniştî bîst û çar kalepîrên li ser serê wan tacên zêrîn û kincên sipî li xwe kirî, hebûn.

⁵Û ji text ve birûsk û deng û gurmîniyên ezman derdiketin. Û li ber text, heft pêtaleyên[1]dişewitin hebûn; ew heft Ruhê Xwedê ne.

⁶Û li ber text behrekî mîna billûrê, wekî ji camê[1]hebû û di nav text û dora wê de, çar afirên[2]zindî, yên pêşî û paşiyên wan bi çavan ve tijî ye hebûn.

⁷Û afirê zindî yê yekemîn, mîna şêrekî bû û afirê zindî yê duwemîn, mîna cangeyekî bû û wecê afirê zindî yê sêwemîn, mîna wecê mirovekî bû û afirê zindî yê çaremîn, mîna qertelekî difire bû.

⁸Û ji her yekê ji van çar afirên zindî xwediyê heft bazikî bûn û her alî û hundirê wan bi çavan ve tijî bûn û bi roj û şev, bêsekin û bêrawestin ûsa dibêjin: Pîroz, pîroz, pîroz e, Xudan Xwedayê ku şiyandarê her tiştî ye, yê ku hebû û yê ku heye û yê ku dê were!

⁹Û afirên zindî, her ku ji yê li ser text rûniştiye, yê ku dê bi abadîna abadînan ve bijî re bilindahî û birêzî û şikiryê pêşkêşî dikirin,

¹⁰bîst û çar kalepîr, li ber yê heta bêdawiyan bijî û li ser text rûniştiye xwe davêtin erdê ber wî û bi wî diperistin û tacên xwe davêjin ber text û dibêjin:

¹¹Ya Xudanê me û Xwedayê me! Tu liyaqî girtina bilindahiyê û birêziyê û qudretê yî. Ji ber ku te hemû tiştan afirand û ew bi xwestina te hebûn û hatin afirandin!