Read PEYMANA NÛ 2017 (ÎNCÎL) Peyxam 5 Bible Online

Peyxam 5 - PEYMANA NÛ 2017 (ÎNCÎL) bible

Peyxam 5

¹Û min di destê rastê yê ku li ser text rûniştiye de kitêbek ji hundir û ji derve[1]hatiye nivîsandin û bi heft mohran ve hatiye mohr kirin dît.

²Û min milyaketekî xurt bi dengek bilind dibêje: Kî liyaqî vekirina kitêbê û mohran e? dît.

³Û ne li ezman û ne li rûyê erdê û ne jî li binê erdê tu kesê ku kitêbê veke û li hundirê wê binihêre tunebû.

⁴Û ez zehf digiriyam; ji ber ku tu kesê liyaqî kitêbê veke û li hundirê wê binihêre nehat dîtin.

⁵Û yekî ji kalepîran ji min re got: Megrî! A vay, Şêrê ji eşîra Cihûda ve ye, reha Dawid, di vekirina kitêbê û heft mohrên wê de serdest hat[1]!

⁶Û di nava text û çar afirên zindî de û di nava kalepîran de, min Berxikekî mîna ku hatibe serjêkirin sekiniye dît; heft qiloç û heft çavên wî hebûn; vana heft Ruhê Xwedê yê ku ji hemûya dinê re hatine şandin in.

⁷Û hat û ji destê rastê yê li ser text rûniştiye kitêbê girt.

⁸Û dema wê girt, çar afirên zindî û bîst û çar kalepîr li ber Berxikê, bi erdê ve secde kirin û di destê her yekî de çenkek[1]û wekî tasên zêrînî yên bi buxurê ve tijî, yên ku duayên pîrozan in; hebûn.

⁹Û wan bi sitrandina qesîdeyek nû digotin: Tu liyaqî girtina kitêbê û vekirina mohrên wê yî; ji ber ku tu hatî serjêkirin û te mirovên ji her eşîrî û ji her zimanî û ji her gelî û ji her neteweyî bi xwîna xwe ve ji bona Xwedê kirîn

¹⁰û te, wan di xizmeta Xwadayê me de kir qiraliyet û kahînan û ew dê li ser dinê serweriyê bajon[1]!

¹¹Û li dora text û afirên zindî û kalepîran ve min gellek milyaketan dît û dengên wan bihîst û hejmara wan bi hezaran hezar, bi dehhezaran dehhezar bû;

¹²bi dengekî bilind digotin: Berxê ku hatiye serjêkirin, liyaqî girtina qudretê û dewlemendiyê û hîkmetê û hêzê û birêziyê û bilindahiyê û pesnahiyê ye!

¹³Û min bihîst ku hemû afirên li ezman û li rûyê erdê û li binê erdê û li ser behrê ne û hemû tiştên ku di wan de ne digotin: Pesnahî û hurmet û bilindahî û qudret heta abadîna abadînan, bila ya yê li ser text ve rûniştiye û ya Berxikê be!

¹⁴Û çar afirên zindî gotin: Amîn! Û bîst û çar kalepîr bi erdê ve secde kirin û ji yê heta abadîna abadînan dijî re peristin.