Read PEYMANA NÛ 2017 (ÎNCÎL) Peyxam 8 Bible Online

Peyxam 8 - PEYMANA NÛ 2017 (ÎNCÎL) bible

Peyxam 8

¹Û dema mohra heftemîn vekir, li ezman, qasî nîv saetî bêdengî çêbû.

²Û min heft milyaketên ku li ber Xwedê disekinin dîtin û ji wan re heft borîjen hate dayîn.

³Û milyaketekî din hat û buxurdanekî zêrînî di dest de bû, li ber pêşkêşgehê ve sekinî û bona ku li pêşkêşgeha li ber text, tevî duayên pîrozan ve pêşkêş bike, gellek buxur ji wî re hate dayîn.

⁴Û duayên pîrozan û dûyê buxurê, li ber Xwedê ji destê milyaket ve bilind bû.

⁵Û milyaket buxurdanê rahişt û bi agirê pêşkêşîgehê ve dagirt û avêt rûyê erdê û deng û gurmîniyên ezman û birûsk û erdhejîn bûn.

⁶Û heft milyaketên ku heft borîjen bi wan re bûn, bona borîjenê lêxin, amade bûn.

⁷Û milyaketê yekemîn li borîjenê xist û zîpikên[1]bi xwînê ve tevlihev û agir ava bû û bi rûyê erdê ve hatin avêtin. Û ji sisêya yekê erdê şewitî û ji sisêya yekê daran şewitîn û hemû gîhayên hêşîn şewitîn.

⁸Û milyaketê duwemîn li borîjenê xist û wekî ku çiyayekî mezin ê ku bi agir ve tête şewitandin bi hundirê behrê ve hate avêtin û ji sisêyan yekê behrê bû xwîn

⁹û ji sisêyan yekê afirên zindî, yên di behrê de ne mirin û ji sisêyan yekê keştiyan tune bûn.

¹⁰Û milyaketê sêwemîn li borîjenê xist û ji ezman, sitêrkek mezin mîna pêtalê[1]vêdikeve ket ser ji sisêyan yekê çeman û ket ser çavkaniyên avê

¹¹û navê vê stêrka Pelîn e. Û ji sisêyan yekê avan mîna pelînê bûn û gellek mirov ji avan mirin; ji ber ku av tahl bûn.

¹²Û milyaketê çaremîn li borîjenê xist û ji sisêyan yekê rojê û ji sisêyan yekê heyvê û ji sisêyan yekê sitêrkan hatin lêxistin; da ku, ji sisêyan yekê wan vemirîn û ji sisêyan yekê rojê û şevê jî bê ronahî man.

¹³Û min dît û min bihîst ku qertelek di nava ezman de difire û bi dengê bilind digot: Ji ber dengê borîjenên sê milyaketên dinî li borîjenan bixin wey, wey, wey li serê yên ku li ser rûyê erdê rûdinin!